ئىستانبۇلدا بارىن ئىنقىلابىنىڭ 20 - يىللىقى مۇناسىۋىتى بىلەن نامايىش
ﻣﯘﺧﺒﯩﺮﯨﻤﯩﺰ ﺋﺎﺭﯨﺴﻼﻥ
2010.04.05
2010.04.05
ﺳﯜﺭﻩﺕ، 2010 - ﻳﯩﻠﻰ 4 - ﺋﺎﻳﻨﯩﯔ 4 - ﻛﯜﻧﻰ ﺋﯩﺴﺘﺎﻧﺒﯘﻟﺪﺍ ﭘﺎﺋﺎﻟﯩﻴﻪﺕ ﻗﯩﻠﯩﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﺎﺷﻼﺭ ﺟﻪﻣﺌﯩﻴﯩﺘﻰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺑﯩﺮﻟﯩﻜﺘﻪ ﺋﯘﻳﯘﺷﺘﯘﺭﯗﺷﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﺎﺭﯨﻦ ﺋﯩﻨﻘﯩﻼﺑﯩﻨﯩﯔ 20 - ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺧﯩﺘﺎﻳﻨﯩﯔ ﺋﯩﺴﺘﺎﻧﺒﯘﻝ ﻛﻮﻧﺴﯘﻟﺨﺎﻧﯩﺴﻰ ﺋﺎﻟﺪﯨﺪﯨﻜﻰ ﻧﺎﻣﺎﻳﯩﺸﺘﯩﻦ ﺑﯩﺮ ﻛﯚﺭﯛﻧﯜﺵ.
RFA Photo / Arslan
u0405-arslan.mp3
نامايىشقا ئىستانبۇلدا ياشاۋاتقان ئۇيغۇر ۋە تۈركلەردىن بولۇپ 100 گە يېقىن كىشى قاتناشتى. نامايىشچىلار قوللىرىدا تۈركىيە ۋە شەرقىي تۈركىستان بايرىقى كۆتۈرگەن، بەزى نامايىشچىلار قوللىرىدا، "بارىن، خوتەن، غۇلجا ۋەقەلىرىنى ئۇنۇتمىدۇق، ئۇنۇتمايمىز"، دېگەنگە ئوخشاش شوئارلار يېزىلغان تاختىلارنى كۆتۈرۈۋالغان بولۇپ، خىتاي كونسۇلخانىسى ئالدىغا قاراپ يۈرۈش قىلدى.
نامايىشچىلار خىتاي كونسۇلخانىسىنىڭ دەرۋازا ئالدىغا يېقىنلاپ كەلگەندە ساقچىلارنىڭ توسقۇنلۇقىغا ئۇچرىدى. نامايىشچىلار خۇ جىنتاۋنىڭ رەسىمى چاپلانغان ۋە خىتاي بايرىقى كىيدۈرۈلگەن چوڭ ھەجىمدىكى بىر قونچاقنى ئېلىپ كېلىپ، خىتاي كونسۇلخانىسى ئالدىدا ئوت يېقىپ كۆيدۈرۈپ تاشلىدى.
نامايىشقا كۆپ ساندا رادىئو - تېلېۋىزىيە، گېزىت - ژورنال مۇخبىرلىرى ئىشتىراك قىلدى.
نامايىش جەريانىدا، شەرقىي تۈركىستان ياشلار جەمئىيىتىنىڭ باشلىقى تىبەت يۈجەتۈرك مۇخبىرلارغا بايانات ئېلان قىلدى. ئاخىرىدا، نامايىشچىلاردىن 5 كىشىلىك بىر ھەيئەت ساقچىلارنىڭ رۇخسەت قىلىشى بىلەن، خىتاي كونسۇلخانىسىنىڭ دەرۋازىسى ئالدىغا قارا چەمبىرەك قويدى. قارا چەمبىرەككە "شەرقىي تۈركىستان بىرلەشمىسى" دېگەن چوڭ ھەجىملىك خەتلەر يېزىلغان.
يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.
كۆپ كۆرۈلگەن خەۋەرلەر
RFA
- لاگېرلارنىڭ تاقىلىشى ۋە قىرغىنچىلىقنىڭ جاراھەتلىرى: ئۇيغۇر دىيارىدىكى توققۇز كۈنلۈك زىيارەت
- G7 دۆلەتلىرى تاشقىي ئىشلار مىنىستىرلىرى ئۇيغۇرلار مەسىلىسىنى ھەل قىلىشقا ۋەدە بەرگەن
- لاگېر شاھىتلىرىنىڭ ئاچلىق ئېلان قىلىش نامايىشى ئۈنۈم بېرىشكە باشلىدى
- «سەمەرقەنت خىتابنامىسى» ئۇيغۇرلار ئۈچۈن خەتەرلىك بىر سىگنالدۇر!
- غەربتىكى دېموكراتىك دۆلەتلەر بىلەن خىتاينى قوللايدىغان دۆلەتلەر ئۇيغۇر مەسىلىسىدە يەنە بۆلۈندى