Истанбулда барин инқилабиниң 20 ‏- йиллиқи мунасивити билән намайиш

2010 ‏- Йили 4 ‏- айниң 4 ‏- күни истанбулда паалийәт қиливатқан шәрқий түркистан яшлар җәмийити вә шәрқий түркистан маарип вә һәмкарлиқ җәмийитиниң бирликтә уюштурушида барин инқилабиниң 20 ‏- йиллиқи мунасивити билән хитайниң истанбулда турушлуқ консулханиси алдида намайиш елип берилди.
Мухбиримиз арислан
2010.04.05
Share on WhatsApp
Share on WhatsApp
Barin-inqilawi-20-yilliqi-Istanbul-04-05-2010-305.jpg Сүрәт, 2010 ‏- йили 4 ‏- айниң 4 ‏- күни истанбулда паалийәт қиливатқан шәрқий түркистан йашлар җәмийити вә шәрқий түркистан маарип вә һәмкарлиқ җәмийитиниң бирликтә уйуштурушида елип берилған барин инқилабиниң 20 ‏- йиллиқи мунасивити билән хитайниң истанбул консулханиси алдидики намайиштин бир көрүнүш.
RFA Photo / Arslan

Намайишқа истанбулда яшаватқан уйғур вә түркләрдин болуп 100 гә йеқин киши қатнашти. Намайишчилар қоллирида түркийә вә шәрқий түркистан байриқи көтүргән, бәзи намайишчилар қоллирида, "барин, хотән, ғулҗа вәқәлирини унутмидуқ, унутмаймиз", дегәнгә охшаш шоарлар йезилған тахтиларни көтүрүвалған болуп, хитай консулханиси алдиға қарап йүрүш қилди.

Намайишчилар хитай консулханисиниң дәрваза алдиға йеқинлап кәлгәндә сақчиларниң тосқунлуқиға учриди.  Намайишчилар ху җинтавниң рәсими чапланған вә хитай байриқи кийдүрүлгән чоң һәҗимдики бир қончақни елип келип, хитай консулханиси алдида от йеқип көйдүрүп ташлиди.
Barin-inqilawi-20-yilliqi-Istanbul-04-05-2010-1-305.jpg
Сүрәт, 2010 ‏- йили 4 ‏- айниң 4 ‏- күни истанбулда елип берилған барин инқилабиниң 20 ‏- йиллиқи мунасивити билән хитайниң истанбул консулханиси алдидики намайишта, хитай презиенти ху җинтавниң һәйкилини көйдүрүватқан көрүнүш.
RFA Photo / Arslan

Намайишқа көп санда ‏радио ‏- телевизийә, гезит - жорнал мухбирлири иштирак қилди.

Намайиш җәрянида, шәрқий түркистан яшлар җәмийитиниң башлиқи тибәт йүҗәтүрк мухбирларға баянат елан қилди. Ахирида, намайишчилардин 5 кишилик бир һәйәт сақчиларниң рухсәт қилиши билән, хитай консулханисиниң дәрвазиси алдиға қара чәмбирәк қойди. Қара чәмбирәккә "шәрқий түркистан бирләшмиси" дегән чоң һәҗимлик хәтләр йезилған.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.