Istanbulda barin inqilabining 20 ‏- yilliqi munasiwiti bilen namayish

Süret, 2010 ‏- yili 4 ‏- ayning 4 ‏- küni istanbulda paaliyet qiliwatqan sherqiy türkistan yashlar jemiyiti we sherqiy türkistan maarip we hemkarliq jemiyitining birlikte uyushturushida élip bérilghan barin inqilabining 20 ‏- yilliqi munasiwiti bilen xitayning istanbul konsulxanisi aldidiki namayishtin bir körünüsh.

Namayishqa istanbulda yashawatqan Uyghur we türklerdin bolup 100 ge yéqin kishi qatnashti. Namayishchilar qollirida türkiye we sherqiy türkistan bayriqi kötürgen, bezi namayishchilar qollirida, "barin, xoten, ghulja weqelirini unutmiduq, unutmaymiz", dégen'ge oxshash sho'arlar yézilghan taxtilarni kötürüwalghan bolup, xitay konsulxanisi aldigha qarap yürüsh qildi.

Namayishchilar xitay konsulxanisining derwaza aldigha yéqinlap kelgende saqchilarning tosqunluqigha uchridi.  Namayishchilar xu jintawning resimi chaplan'ghan we xitay bayriqi kiydürülgen chong hejimdiki bir qonchaqni élip kélip, xitay konsulxanisi aldida ot yéqip köydürüp tashlidi.

RFA Photo / Arslan

Namayishqa köp sanda ‏radi'o ‏- téléwiziye, gézit - zhornal muxbirliri ishtirak qildi.

Namayish jeryanida, sherqiy türkistan yashlar jem'iyitining bashliqi tibet yüjetürk muxbirlargha bayanat élan qildi. Axirida, namayishchilardin 5 kishilik bir hey'et saqchilarning ruxset qilishi bilen, xitay konsulxanisining derwazisi aldigha qara chembirek qoydi. Qara chembirekke "sherqiy türkistan birleshmisi" dégen chong hejimlik xetler yézilghan.

Yuqiridiki awaz ulinishidin, bu heqtiki melumatimizning tepsilatini anglaysiler.