Istanbulda barin inqilabini xatirilesh pa'aliyiti ötküzüldi

2009 ‏ - Yili 4 ‏ - ayning 5 ‏ - küni türkiye waqti kech sa'et 18 : 00 de sherqiy türkistan ma'arip we hemkarliq jem'iyitining uyushturushida barin inqilabining 19 ‏ - yilliqi munasiwiti bilen shéhidlerni xatirilesh murasim uyushturuldi.
Muxbirimiz arslan
2009.04.08
Share on WhatsApp
Share on WhatsApp
Barin-xatirisi-Istanbul-maarip-305 2009 ‏ - Yili 4 ‏ - ayning 5 ‏ - küni türkiyidiki sherqiy türkistan maarip we hemkarliq jemiyitining uyushturushida barin inqilabining 19 ‏ - yilliqi munasiwiti bilen uyushturulghan shéhidlerni xatirilesh murasimda jemiyet mesulliridin ablikimxan mexsum sözde.
RFA Photo / Arslan

Murasim sherqiy türkistan ma'arip we hemkarliq jem'iyitining zeytinburnu shöbe merkizide ötküzülgen bolup, murasimgha istanbulda yashawatqan Uyghurlardin nurghun kishi ishtirak qildi.

Murasimning asasi meqsiti, barin inqilabida shehid bolghanlarni xatirilesh we barin inqilabidin ders élish, barin inqilabi heqqide jem'iyette tarqalghan xata pikirlerge reddiye bérishtin ibaret iken.

Murasim bashlinishtin ilgiri qur'an kerim toluq tamamlinip barin inqilabida shehid bolghan qehrimanlarning rohigha atap du'a qilindi.

Murasimgha sherqiy türkistan ma'arip we hemkarliq jem'iyitining bash katipi doktur alimjan riyasetchilik qildi. Murasimda sherqiy türkistan ma'arip we hemkarliq jem'iyiti mes'ulliridin ablikimxan mexsum, sherqiy türkistan medeniyet we hemkarliq jem'iyiti enqere shöbe bashliqi xeyrulla ependi qatarliq mes'ullar barin inqilabi we barin inqilabida shéhid bolghan qehrimanlar heqqide söz qildi.

Murasimda sherqiy türkistan ma'arip jem'iyitining mes'ulliridin ablikimxan mexsum barin inqilabi heqqide söz qilip mundaq dédi: "bügün biz bu yerde 1990 - yili 4 ‏- ayning 4  we 5 ‏- künliri wetinimizning barin yézisida shehid bolup ketken qérindashlarni eslep ötüsh, shularning rohigha atap du'a ‏ - tilawet qilish üchün bu yerge jem bolup olturduq. Ularning shu herikiti bizge bir nechche türlük ders béridu, bizni ashu qérindashlarni esleshke we ulargha du'a qilishqa sewep bolghan nerse néme? biz ular bilen uruq ‏ - tughqan yéqin qérindashlardin emes, peqet islami, dini qérindash, néme sewebtin hazir biz shularni esleymiz néme seweptin xelq ular bilen pexir hés qilidu? biz bügün bu so'allargha jawap tépishqa tirishimiz. Ularning ölümdin qorqimaydighan jasaret rohi, heqqaniyet we adalet yolida allah yolida mal - mülkini pida qilghandin sirt yene jénini pida qilalighanliq bir merdaniliqi bizni alqishlashqa mejbur qiliwatidu."

Yuqiridiki awaz ulinishidin, bu heqtiki melumatimizning tepsilatini anglaysiler.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet