D u q istanbuldiki Uyghurlargha iptar ziyapiti berdi

Süret, dunya uyghur qurultiyining orunlashturushi bilen 8 ‏- ayning 19 ‏- küni istanbulda élip bérilghan iptar ziyapitidin bir körünüsh.

Iptar ziyapiti istanbuldiki ensar wexpining yighin zalida ötküzüldi. Iptar ziyapitige istanbulda pa'aliyet qiliwatqan ammiwiy teshkilatlardin sherqiy türkistan wexpi, sherqiy türkistan ma'arip we hemkarliq jem'iyiti, yawru ‏- asiya tetqiqat we ijtima'iy xizmetler wexpi, sherqiy türkistan yashlar jem'iyiti, sherqiy türkistan hemkarliq jem'iyiti, Uyghur akadémési qatarliq ammiwiy teshkilatlarning mes'ulliri we istanbulda yashawatqan Uyghurlardin köp sanda kishi qatnashti.

Iptar ziyapiti jeryanida dunya Uyghur qurultiyining mu'awin re'isi esqerjan ependi söz qilip, dunya Uyghur qurultiyining qisqiche tarixi we nöwette élip bériwatqan xizmet pa'aliyetlirini tonushturup ötti.

Iptar ziyapiti jeryanida yene, dunya Uyghur qurultiyining mu'awin bashliqi semet abdulla ependi pütkül Uyghurlarni dunya Uyghur qurultiyining etrapigha topliship birlikte xizmet qilishqa chaqirish bilen birge, türkiyining sherqiy türkistan dawasi üchün intayin muhim ehmiyetlik dölet ikenlikini bildürdi.

Yuqiridiki awaz ulinishidin, bu heqtiki söhbitimizning tepsilatini anglaysiler.