Istanbulda xelq'araliq 'ural ‏- altay tilliri qelemkeshler birliki' yighini bashlandi

Xelq'ara qelemkeshler jem'iyitige eza Uyghur qelemkeshler jem'iyiti bilen türkiye qelemkeshler jem'iyitining birlikte uyushturushida "ural ‏- altay tilliri qelemkeshler birliki" namliq yighin 2009 ‏- yili 8 ‏- ayning 25 ‏- küni resmiy bashlandi. Bu yighin istanbuldiki osman abidisi méhmanxanisining yighin zalida ötküzüldi.
Muxbirimiz arislan
2009-08-26
Share
Qelemkeshler-jemiyiti-istanbulda-305.jpg Sürette, 2009 ‏- yili 8 ‏- ayning 25 ‏- küni resmiy bashlanghan uyghur qelemkeshler jemiyiti bilen türkiye qelemkeshler jemiyitining birlikte uyushturushidiki "ural ‏- altay tilliri qelemkeshler birliki" namliq yighin ishtirakchiliridin bir qismi.
RFA Photo / Arslan

Yighin 8 ‏- ayning 25 ‏- künidin 29 ‏- künigiche 5 kün dawam qilidiken. Yighin'gha xelq'ara qelemkeshler merkizige qarashliq dunyaning her qaysi jayliridiki qelemkeshler merkezlirining wekilliri qatnashti.

Yighin'gha, kanada, awstraliye, shiwitsiye, gollandiye, finlandiye, ezerbeyjan, tataristan, mongghulistan qatarliq 43 dölettin qelemkeshler merkezlirining wekilliri qatnashti. Yighin'gha ezaliri dunyaning her qaysi döletliride yashaydighan Uyghur qelemkeshler merkizining ezaliridin 15 tin artuq Uyghur yazghuchi, sha'irlar ishtirak qildi. Yighin'gha yene qelemkeshler jem'iyitige eza bolmighan türkmenistan we tajikistan qatarliq döletlerdin qelemkeshler teklip bilen ishtirak qildi.

Yighin'gha türkiye qelemkeshler merkizining bashliqi tariq günersel ependi riyasetchilik qildi. Yighinda Uyghur qelemkeshler merkizining bashliqi qeyser özxan, qirghizistan qelemkeshler merkizining bashliqi dalmira tilepbergenowa, xelq'ara qelemkeshler merkizining bash katipi iyugéne scholgin, xelq'ara qelemkeshler merkizining rayonluq pilanlar diréktori frank gériy échilish nutqi sözlidi.

Bu yighinning asasiy meqsiti ural ‏- altay tilliri tewesige mensup qelemkeshler merkezlirining otturisida munasiwet ornitish, ottura asiyada yéziqchiliq we oqush erkinliki shundaqla ipade erkinlikini tereqqiy qildurush, yéngidin qelemkeshler merkezliri qurush jehette qedem bésish iken.

Yighinning 2 ‏- küni chüshtin kéyin, yighin ishtirakchiliri istanbul waliyisning teklipige bina'en waliyni ziyaret qildi we istanbul waliysi osman günesh ependi qelemkeshlerni waliyliq binasida qarshi aldi we semimiy söhbetleshti. Waliy osman günesh söz qilip, xelq'ara qelemkeshler yighinining istanbulda échilghanliqidin memnun bolghanliqini qelemkeshlerni qarshi alidighanliqini ipadilesh bilen birge bu yighinning muweppeqiyetlik axirlishishni ümid qilidighanliqini bildürdi.

Söhbet jeryanida, Uyghur qelemkeshler merkizining bashliqi qeyser özxan , xelq'ara qelemkeshler merkizining rayonluq pilanlar diréktori frank gériy qatarliq bir qanche qelemkeshler bir birlep söz qilip istanbul waliyisigha bu yighinni qollap quwwetligenliki we waliyliq binasigha teklip qilip qobul qilghanliqidin xushal bolghanliqini bildürdi we teshekkür éytti. Söhbet axirida qelemkeshler istanbul waliysi osman günesh ependi bilen xatire resimge chüshti.

Uyghur qelemkeshler merkizi 2005 ‏- yili qurulghan bolup, 2008 ‏- yili kolumbiye échilghan 74 ‏- nöwetlik xelq'ara qelemkeshler yighinida resmiy ezaliqqa qobul qilin'ghan.

Yighin jeryanida yene ezalirining köpinchisi her xil döletlerde yashaydighan Uyghur qelemkeshler jem'iyiti idare hey'et rehberlik yighinimu osman abidisi méhmanxanisining yighin zalida ötküzüldi.

Yighinda yaponiye qelemkeshler merkizi bilen qirghizistan qelemkeshler merkizi kéler yilliq yighin'gha sahibxanliq qilishni telep qilghan.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet