Истанбулда хантәңри садаси шеирийәт күни

Шаирлар милләтниң садаси шаирлар милләтниң истиқбалиға қайғуриду, униңға чарә издәйду, шаирлар өткүр пикирлири билән хәлқни һәқиқәткә үндәйду, хәлқни ғәпләттин ойғитип илим ‏ - мәрипәткә чақириду.
Мухбиримиз арслан
2009-05-13
Share

Йеқин тарихқа қарайдиған болсақ уйғурлардин нурғун шаирлар йетишп чиққан, хәлқни ойғитип илим ‏ -  мәрипәткә тәрғиб қилған, һәтта зулумға қарши көрәш қилишқа чақириқ қилип шеир язған мәмәтели тәвпиқ, лутпуллаһ мутәллип, абдухалиқ уйғур, билал әзизи қатарлиқ от юрәк шаирлар язған шеирлири сәвәбидин залим һөкүмдарлар тәрипидин шәһид қилинған. 

Чәтәлдә яшаватқан уйғурларниң арисидиму вәтән, милләтниң истиқбалиға қайғуридиған, вәтән милләтни күйләп шеир язидиған шаирлар аз әмәс.

2009 ‏ -  Йили 5 ‏ -  айниң 9 ‏ -  күни мәркизи истанбулға җайлашқан шәрқий түркистан вәхпиниң уюштуруши билән  вәхпиниң йиғин залида "хантәңри садаси шеирийәт күни" йиғини өткүзүлди. Йиғинға шәрқий түркистан вәхпиниң муавин башлиқи профессор доктур султан мәһмут қәшқири вә идарә һәйәт рәһбәрлири , шәрқий түркистан маарип вә һәмкарлиқ җәмийитиниң мәсуллиридин абликимхан мәхсум , истанбулдики уйғур шаирлар шундақла истанбулда яшаватқан уйғур һәмшәһәрләр вә оқуғучилардин болуп көп санда киши иштирак қилди.

Йиғин истиқлал марши оқулуш билән башланди. Йиғинда шәрқий түркистан вәхпиниң муавин башлиқи профессор доктур султан мәһмут қәшқәрли әпәнди ечилиш нутиқи сөзлиди, кейин шәрқий түркистан маарип вә һәмкарлиқ җәмийитиниң мәсуллиридин абликимхан мәхсум сөз қилип шеир вә шаирлар вә уларниң милләтни йетәкләштики роли һәққидә сөз қилди.

Йиғинда истанбулда яшаватқан уйғур шаирлар арқа ‏ -  арқидин мунбәргә чиқип өзлири иҗад қилған шеирлирини декламатсийә қилди. Шаирә сийтинса лоқман өзи иҗад қилған, 'алдида', 'қорқмисақ', дегән темдики шеирлирини декламатсийә қилди, шаир мәһмәтимин посма өзи язған 'әвладимға бир сөз' намлиқ  шеирни декламатсийә қилди, кейин шаир миркамил қәшқирийниң 'мусапир роһ' , 'өзлүкини тонуш', 'сәбийләр садаси' қатарлиқ шеирлири декламатсийә қилинди.  Шаирә нурәла көктүрк 'уйғурум', 'кимсән', 'вәтән саңа хас' қатарлиқ шеирлирини декламатсийә қилди,  шаир султан мәһмут қәшқәрли өзи язған 'вәтиним сени сеғиндим',  намлиқ шеирни декламатсийә қилди. Кейин меһриай исимлик оқуғучи муһәммәдҗан рашидинниң 'ятлаштуқ' намлиқ мухәммәсини декламатсийә қилди. Кейин  зәйнурә өзтүрк  өзи язған 'көрмигән' , 'дәртмән қәлби' темилардики иҗадийәт шеирлирини декламатсийә қилди.

Йиғин ахирида шәрқий түркистан вәхпиниң баш катипи һамут көктүрк әпәнди сөз қилип бу йиғинда шеир оқуған шаирларға йоқири баһа бәрди вә йиғинда тәқдим қилинған шеирларни таллап шәрқий түркистан авази журнилида елан қилидиғанлиқини вә бу хилдики әдәбият ‏ -  сәнәт паалийәтлириниң буниңдин кейинму давамлишидиғанлиқи билдүрди. Йиғин наһайити қизғин кәйпият ичидә ахирлашти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт