Washin'gtonda tunji qétim Uyghur ayallirini démokratiye we kishilik hoquq buyiche terbiyilesh yighini échildi


2007-03-23
Share

Uyghur kishilik hoquq démokratiye fondi jem'iyitining re'isi doktor rishat abbas yighinda söz qilmaqta. Picture/IUHRDF

Amérika démokratiyini ilgiri sürüsh fondi jem'iyiti, amérikidiki Uyghur kishilik hoquq démokratiye fondi jem'iyitining uyushturushi bilen, amérikining paytexti washin'gtonda "Uyghur ayallirini démokratiye we kishilik hoquq buyiche terbiyilesh" yighini ötküzüldi.

Tunji qétim élip bérilghan mezkür yighin, jüme küni chüshtin burun washin'gton waqti sa'et 1 de bashlandi. Amérikidiki Uyghur kishilik hoquq, démokratiye fondi jem'iyitining re'isi doktor rishat abbas yighin'gha riyasetchilik qilip, mezkür yighinning échilishidiki asasiy meqsidi, shuningdek yighinning échilishigha küch chiqarghan we yardem qilghan teshkilat we shexsler hemde yighin'gha qatnishish üchün dunyaning herqaysi jayliridin kelgen méhmanlarni tonushturup ötti.

Aldi bilen sözge teklip qilin'ghan, dunya Uyghur qurultiyining re'isi rabiye qadir xanim, yighin ehlining qizghin alqish sadaliri ichide sehnige chiqip, söz qildi.

Yighinda xudson inistituti diniy erkinlik merkizi mudiri Nina Shea xanim, amérika dölet mejlisi kishilik hoquq guruppisi mudiri, amérika dölet mejlisi xelq'ara munasiwet kométiti xadimi Hans Hogrefe ependi, xelq'ara kechürüm teshkilati amérika shöbisi asiya bölümi mudiri T Kumar, amérika démokratiyini ilgiri sürüsh fondi jem'iyiti sherqiy asiya bölümi mudiri Lousia Coan Greve xanim, xelq'ara tibecht herikiti ijra'iye mudiri Mary Beth Markey xanimlar ayrim ‏- ayrim söz qilip, Uyghurlarning démokratiye we kishilik hoquq mesilisi, diniy erkinlik mesilisi qatarliq nöwette Uyghurlar duch kéliwatqan bir qatar mesiller heqqide toxtilip, qandaq qilghanda Uyghurlarning kishilik hoquqini yaxshilighili bolidighanliqi we qandaq qilghanda amérika we gherb elliri'idiki kishilik hoquq teshkilatlirining himayisige érishishni qolgha keltürgili bolidighanliqi heqqide toxtaldi, shuningdek dunya jama'etchilikige xitay hökümitining Uyghurlar üstidin élip bériwatqan zulumlirini delil, ispat - pakitlar bilen anglitishni teshebbüs qildi.

Ular sözliride yene birdek halda, rabiye qadir xanimning xitay türmisidin chiqqandin kéyin, Uyghur mesili'isning yuqiri pellige kötürülgenlikini étirap qilip, xitay hökümitining qandaq waste ‏- usullarni ishlitip, xitaydiki bolupmu Uyghurlar duch kéliwatqan kishilik hoquq mesilisining xelq'aragha ashkarilinishini qattiq kontrol qilishidin qet'iy nezer, barliq tirishchanliqlarni körsetkende bu xil tosaqlarni bösüp chiqqili bolidighanliqini tekitlidi. Yighinda yene, ayallar we balilar hoquqini yaxshilash toghrisidimu nutuqlar sözlendi.

Herqaysi döletlerdin kelgen, Uyghur ayallar wekilliri démokratiye we kishilik hoquq we bu xil hoquqlargha ige bolushning yolliri toghrisida türlük su'allarni otturigha qoyup, yighin'gha ishtirak qilghan kishilik hoquq teshkilatining xadimliridin melumat igilidi. Yighin'gha qatnishish üchün kelgen Uyghur ayalliri we amérikining herqaysi shitatliridin kélip yighin'gha qatnashqan yighin ehlining sani 100din éship ketti.

" Uyghur ayallirini démokratiye we kishilik hoquq bilen terbiyelesh" yighini yekshenbe künige qeder dawamlishidu. Biz silerge bu heqte dawamliq melumat bérimiz. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet