Гәнсу өлкисиниң партком секритари су роң замбийәдә қачақта


2004.11.23
Share on WhatsApp
Share on WhatsApp

Хитайниң мәмликәтлик хәлқ қурултийи даимий комититиниң рәиси ву баңгониң башчилиқидики бир вәкилләр өмики 10 - айниң 29 - күнидин башлап кенийә, зимбабуве, замбия, нигирийәләрдин ибарәт төт африқа дөлитини зиярәт қилишқа башлиған иди.

Шинхуа агентлиқиниң хәвәр қилишичә, бу вәкилләр өмикиниң 100 дин артуқ әзаси вә 40 тин артуқ мухбири бар иди. "Улуғ ира гезити" ниң хәвәр қилишичә, ву баңгониң вәкилләр өмики 11 - айниң 4 - күни замбийиға кәлгән. Өмәк әзалири замбийәниң муавин баш министири лупантониң һәшәмәтлик зияпитидин қайтип миһманханиға кәлгәндә, хитай вәкилләр өмикиниң әзаси, гәнсу өлкилик парткомниң секритари суроң әпәнди замбия али сот мәһкимиси фалунгоңчиларниң сотқа сунған шикайитикә асасән әвәткән чақириқни тапшуруп алған. Шу күндин башлап су роңниң паалийити бу вәкилләр өмикиниң ичидә көрүнмәйду.

Замбийә али сотиниң тутуш буйруқи

Гәнсу өлкилик парткомниң секритари су роң ву баңго башчилиқидики хитай вәкилләр өмикидин айрилип замбийида қепқалғанлиқи ениқ. Чүнки, ву баңгониң вәкилләр өмики 11 - айниң 6 - күни замбийидин айрилип башқа дөләткә зиярәткә маңғанда, замбийә чегрисидин чиққанларниң тизимликидә су роң әпәндиниң исми йоқ. Су роң әпәнди зәмбияниң лусака шәһридики таҗ памози дегән али қавақханидики ятақ өйини 11 - айниң 8 - күни кәч саәт 2 дә қайтурған. Демәк хитай вәкилләр өмики замбийәдин қайтқанда су роң биллә маңмиған.

"Улуғ ира гезити" ниң баян қилишичә, гәнсу өлкилик парткомниң секритари су роң замбийә али сот мәһкимиси бәлгилигән вақитта учуқ сотқа бармиғанлиқи үчүн, замбийә али сот мәһкимиси 11 - айниң 8 - күни уни "қанунни мәңситмигәнлик" җинайити өткүзди дәп һесаблап, тутуш буйруқи чүшүргән, таможниларғиму су роңни чегридин чиқармаслиқни уқтурған.

Хитайда қанунға риайә қилип бақмиған әмәлдар чәтәлдә қанун алдида

Фалунгоңчиларға зиянкәшлик қилғучиларни хәлқарада тәкшүрүш тәшкилатиниң баян қилишичә, су роң 1948 - йили туғулған. 1994 - Йили җилин өлкилик парткомниң муавин секритари болған. 2001 - Йили 10 - айдин башлап чиңхәй өлкилик парткомниң секритари болған. 2003 - Йили 8 - айдин башлап гәнсу өлкилик парткомниң секритари болуп кәлмәктә. Су роң җилиндики вақиттин башлапла фалунгоң мәсилисини биртәрәп қилиш рәһбәрлик гурупписиниң башлиқи болуп, фалунгоңчилани "өзгәртиш" ишиға йетәкчилик қилип кәлмәктә.

Су роң фалунгоңчиларни бастуруш җәһәттә җаң земин үчүн алаһидә хизмәт көрсәткән әмәлдарниң бири. Фалунгоңчиларға зиянкәшлик қилғучиларни хәлқарада тәкшүрүш тәшкилатиниң баян қилишичә йәнә, бирнәччә йилдин буян, хитайда фалунгоңчиларға зиянкәшлик қилғанлики коммунист әмәлдарлири хәлқарада қайси дөләткә барса фалунгоңчилар шу дөләттә уларниң үстидә сот мәһкимилиргә әриз сунуп, уларни сотқа чақиртип турмақта. Әмма һәр қайси дөләтләрниң қануни охшаш әмәс.

Африқидики замбийәниң қанунида бәлгилинишичә, сот мәһкимилири сотқа чақириш вә тутушқа буйруқ чүшүрүштин башқа, тутуш буйруқида нами аталған кишиләрни дөләт чегрисидин чиқармаслиқ тоғрисида таможниларғиму буйруқ чүшүрәләйду. Шуңлашқа хитайда фалунгоңчиларға зиянкәшлик қилған, қанунға һечқачан риайә бақмиған коммунист әмәлдарлири бу дөләткә кәлгәндә соттин қачса чегридин қачалмайду. Учур - вастә тармақлири гәнсу өлкилик партком секритари су роңни һазир хитайға қайтип келәлмәй, чәтәлдә чашқанға охшаш йошурунуп - қечип йүрмәктә дәп қарайду.

Хитайниң дөләт комиссари чен җилиму һазир танзанийидә сорақ қилинмақта

Фалунгоңчиларға зиянкәшлик қилғучиларни хәлқарада тәкшүрүш тәшкилатиниң баян қилишичә, хитайниң сабиқ маарип министири, һазирқи дөләт комиссари чен җилиниң делосиму һазир танзанийә сот мәһкимисидә соралмақта. У буйил 7 - айда танзанийәни зиярәт қилғанда, танзанийә сот мәһкимиси фалунгоңчиларниң әриз -шикайитигә асасән чен җилини "қийин - қистаққа елиш, "харлаш" җинайити өткүзгән дәп тутуп қалған иди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.