Stanbulda sherqiy türksitan jumhuriyitining qurulghanliqini xatirilesh yighini ötküzüldi


2007.11.13

maarip-jemiyti-200.jpg
Türkiyining istanbul shehiride pa'aliyet qiliwatqan sherqiy türkistan ma'arip we hemkarliq jem'iyiti, 12 ‏- noyabir kech sa'et 19 :00 da sherqiy türksitan jumhuriyitining qurulghanliqini xatirilep jem'iyet merkizide yighin ötküzdi. RFA Photo / Arslan

12 ‏- Noyabir sherqiy türkistan jumhuriyiti ikki qétim qurulghan kün. Xitay tajawuzchilirining sherqiy türkistanni yütiwélish xam ‏- xiyali bit ‏- chit bolghan bir kün, qehriman Uyghurlarning jenggiwar rohi, tiz pükmes iradisi özini namayen qilghan, heqqaniy dawaning mustehkem asasiy yaritilghan bir kün.

Ulugh alim we inqilabchi rehber sabit damollam 1933 ‏- yili, rehmetlik marshal mutepekkur siyasiyon elixan törem 1944 ‏- yili del mushu 12 ‏- noyabir küni tarixta tunji qétim sherqiy türksitan jumhuriyitini qurup chiqip dunyagha jakarlighan tarixiy bir kün. Mana bu kün munasiwiti bilen türkiyining istanbul shehiride pa'aliyet qiliwatqan sherqiy türkistan ma'arip we hemkarliq jem'iyiti, 12 ‏- noyabir kech sa'et 19:00 da sherqiy türksitan jumhuriyitining qurulghanliqini xatirilep jem'iyet merkizide yighin ötküzdi.

Yighin bashlinishitin ilgiri qur'an kerim xetime qilinip, sherqiy türkistan islam jumhuriyetlirini qurush üchün hayatini pida qilghan shéhitlerning rohigha du'a qilindi. Yighin'gha sherqiy türkistan ma'arip we hemkarliq jem'iyitining katipi heqqaniy ependi riyasetchilik qildi.

Sherqiy türkistan ma'arip we hemkarliq jem'iyitining re'isi doktur atawullah shehyar "sherqiy türkistan jumhuriyitining qurulushi we yimirilishi" témisida, mu'awin re'isi hidayetullah oghuz, "sherqiy türkistan islam jumhuriyitining tarixy ehmiyiti" témisida, jem'iyetning ijra'iye re'isi abdulhekimxan mexsum " xojiniyaz hajining inqilaptiki roli" témisida, bash katip heqqaniy "sabit damollam we memtimin hezritimning ish ‏- izliri" témisida söz qildi. Déngizfeneri jem'iyitining yighin'gha qatnashqan wekili abdul qaradagh ependimu sherqiy türkistan jumhuriyetlirining qurulghanliqi toghrisidiki özining chüshenchilirini sözlep ötti.

Wetensöyer ehmetjan özining bir qanche parche yéqimliq ijadiyet naxshisini oqup yighin keypiyatini janlandurdi. Axirida, kechlik tamaq ziyapitidin kéyin yighin tentenilik axirlashti. (Arsilan)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.