Dik chéyni mu'awin prézdént kandidati namzatliqini qobul qildi


2004.09.02
Share on WhatsApp
Share on WhatsApp

Amérika jumhuriyetchiler partiyisi wekiller qurultiyi dawam étiwatqan mezgilde, mu'awin prézdént dik chéyni(Dick Cheney ) charshenbe küni yighinda nutuq sözlep, özining jumhuriyetchiler partiyisi körsetken mu'awin prézdént kandidati namzatliqini resmiy qobul qilghanliqini jakalidi.

Qurultayda bir sa'etche nutuq sözligen mu'awin prézdént dik chéyni bush hökümitining iraqqa qilghan urushini aqlash bilen birge démokratchilar partiyisining prézdént namzati jon kerriyge hujum qilip, uning dölet bixeterlik tedbirlirini yiniklitish idiyisini mesxire qildi.

Dik chéyni sözide yene, gerche jon kerriyning wéytnam urushidiki töhpilirini medhiylep ötken bolsimu, lékin uning urushtin kéyin uzun mezgil qaymuqup yürgenlikini eskertip, jorj W bushning rehberlik iqtidarigha ige, prézdént bolushqa layiq kishi ikenlikini bildürdi.

Jumhuriyetchiler partiyisi wekiller qurultiyda nutuq sözligen dik chéyni yene, amérikining mu'awin prézdéntliq wezipisini ötigendin buyan, prézdént bushning xizmet qilish ünümi we mesililerni qandaq bir terep qilish jehettiki maharitige öz közi bilen shahit bolghanliqini, shundaqla özining bushning qayta prézdéntliqqa saylinishigha pütün küchi bilen yardem qilidighanliqini tekitlidi. Uning sözi, jumhuryetchiler partiyisi wekillirining qizghin alqishigha ériship, yighindikiler jorj W bushqa " yene 4 yil" dep towlashti.

Gerche dik chéynini qollash nisbiti mezkür yighin sewebidin azraq örligen bolsimu, emma amérika simliq téléwiziye xewer tori we "bügünki amérika géziti" ning birlikte élip barghan xelq rayini sinash tekshürishidin melüm bolishiche, nöwette dik chéynini qollash nisibiti barghanséri töwenlep méngip, ellik pérsenttinmu töwen'ge chüshüp qalghan.

Bu qétimliq yighinda, dik chéyni bashchilighidiki jumhuriyetchiler partiyisi rehberliri iraq we térrorluqqa qarshi urush heqqide köp söz qilghan bolsimu, emma iqtisad, sehiye-saghlamliq we ishsizliq qatarliq dölet ichi mesliliri heqqide éghiz achmidi.

Jumhuriyetchiler partiyisining wekiller qurultiyi échiliwatqan mezgilde, nyo-york shehiride bush hökümitige qarshi namayishlar üzülmidi. Charshenbe künimu nechche minglighan kishi kochigha chiqip namayish ötküzüp, bushning iqtisadiy siyasitining amérikida éghir ishsizliq weziyitini keltürüp chiqarghanliqini eyiplidi.

Jumhuriyetchiler partiyisi wekiller qurultiyi düshenbidin peyshenbigiche töt kün dawam qilidu. Peyshenbe küni kechtiki yighinda prézdént jorj W bush jumhuriyetchiler partiyisining prézdént namzatliqini qobul qilip, mexsus nutuq bayan qilmaqchi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.