Германийидә җумһурийәт байрими өткүзүлди вә мәрһум күрәш күсәнниң нәзириси берилди


2006.11.14
Share on WhatsApp
Share on WhatsApp

11 – Айниң 12 – күни, һәр қайси әлләрдики уйғурларға охшашла, германийә уйғурлириму 1933 – йили вә 1944 – йили қурулған җумһурийәтлиримизни хатириләш паалийити өткүзди.

11 – Айниң 12 – күни германийидә өткүзүлгән паалийәтниң мәзмуни алаһидә мол болди. Бу күни, ялғуз җумһурийәт байрими өткүзүлүпла қалмастин, мәрһум күрәш күсән әпәндиниң нәзирисиму өткүзүлди вә "уйғур мукапати" сәпәрвәрлики елип берилди. Шундақла рабийә қадир ханимниң иш – паалийәтлиридин доклатлар берилди. Д у қ ниң паалийәтлиридин доклатлар берилди һәмдә мәрһум күрәш күсән әпәндиниң һаят чағлирида елип барған сиясий вә мәдәний паалийәтлири тонуштуруп өтүлди. Ахирида, мәрһумниң өлүми мунасивити билән ишләнгән мәхсус филим сорун әһлиниң диққитигә сунулди һәмдә мәрһумниң роһиға атап дуа – тилавәт қилинди.

Мюнхен шәһиридики "бир дуня өйи" намлиқ паалийәт залида өткүзүлгән бу мурасимларға д у қ ниң рәиси әркин алиптекин әпәнди башчилиқидики қурултай рәһбәрлири вә германийиниң һәр қайси шәһәрлиридин кәлгән йүзлигән уйғур җамаити иштирак қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.