Gérmaniyide jumhuriyet bayrimi ötküzüldi we merhum küresh küsenning nezirisi bérildi


2006-11-14
Share

11 – Ayning 12 – küni, her qaysi ellerdiki Uyghurlargha oxshashla, gérmaniye Uyghurlirimu 1933 – yili we 1944 – yili qurulghan jumhuriyetlirimizni xatirilesh pa'aliyiti ötküzdi.

11 – Ayning 12 – küni gérmaniyide ötküzülgen pa'aliyetning mezmuni alahide mol boldi. Bu küni, yalghuz jumhuriyet bayrimi ötküzülüpla qalmastin, merhum küresh küsen ependining nezirisimu ötküzüldi we "Uyghur mukapati" seperwerliki élip bérildi. Shundaqla rabiye qadir xanimning ish – pa'aliyetliridin doklatlar bérildi. D u q ning pa'aliyetliridin doklatlar bérildi hemde merhum küresh küsen ependining hayat chaghlirida élip barghan siyasiy we medeniy pa'aliyetliri tonushturup ötüldi. Axirida, merhumning ölümi munasiwiti bilen ishlen'gen mexsus filim sorun ehlining diqqitige sunuldi hemde merhumning rohigha atap du'a – tilawet qilindi.

Myunxén shehiridiki "bir dunya öyi" namliq pa'aliyet zalida ötküzülgen bu murasimlargha d u q ning re'isi erkin aliptékin ependi bashchiliqidiki qurultay rehberliri we gérmaniyining her qaysi sheherliridin kelgen yüzligen Uyghur jama'iti ishtirak qildi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet