Шветсийидә икки җумһурийәт вә мәрһум көрәш күсән әпәнди хатириләнди


2006.11.13
Share on WhatsApp
Share on WhatsApp
kuresh-200.jpg
Мәрһум көрәш көсән шветсийидики "дуня музика" әтрити башлиқи алле моллер әпәнди билән.

11 - Ноябир күни шветсийиниң ескилстуна шәһридә милләтләр музика фестивали болуп өтти. Фестивалға шветсийиниң һәрқайси җайлиридин вә бир қисим қошна дөләтләрдин кәлгән даңдар музика әтрәтлири қатнашқан болуп, бу қетимқи музика фестивалиға мәрһум көрәш көсән әпәндиму өзи һаят вақтида қатнашқан шветсийидики әң атақлиқ музикант болған алле мөлләр башчилиқидики "дуня музика" әтритиниң тәркибидә қатнашмақчи иди. Бу һәқтики учур вә еланлар шветсийиниң һәрқайси ахбарат васитилирида вә интернет тор бетлиридә бундин йерим йил илгирила кәң тәшвиқ қилинған иди. Әпсус мәрһум көрәш көсән әпәнди бу фестивалға қатнишишқа үлгүрмәй бу аләмдин кәтти.

Музика фестивали болған бу күни мәрһум көрәш күсән әпәндиниң сүрити фестивал өткүзүливатқан ескилстуна шәһәрлик тиятирханиниң алдиға қуюлуп униңға болған чуңқур қайғусини вә тәзийисини билдүрүшти. Фестивал башланған шу минутларда мәрһум қатнишип келиватқан "дуня музика" әтириниң башлиқи шветсийидики атақлиқ сәнәткар алле мөллер әпәнди тиятирханидики тамашибинларға көрәш көсән һәққидә чүшәнчә бәрди вә униңға болған чуңқур қайғусини ипадилиди. У мундақ дәйду:

"Нумуримиз башлиништин илгири силәргә көңлимиздә ипадилиниватқан бир азапни билдүрмәкчи, бугүнки бу фистивалниң қатнашчилиридн бири болған атағлиқ музиканит көрәс султан әпәндим аримиздин кәтти. У аҗайип талантлиқ бир музикант иди у биз билән биргә талай қетим уюн қуюп уйғур музикисиниң җәвһәрлирини уюн қатнашилириға намаян қилған вә уларниң қизғин алқишиға сазавәр болған иди. Биз уни һәр дайим чуңқур яд итимиз. У бир йетилгән сиясийон иди. Униң нахша-музикилириға қуюқ сияси түсму сиңгән иди. Биз рәсми нумурлиримизни башлаштин илгири у һаят вақтида әң яхши көридиған бу музика билән униңға болған чуңқур тәзийимизни билдүримиз. ”

sweden-jumhuriyet-kuni.jpg

Бу қетимқи фестивал җәми 11 саәт давамлашти. Фестивал ахирида риясәтчи сәһнигә чиқип бу қетимқи фестивалиниң ахирлашқанлиқини җакарлаш билән биригә шветсийә дөләтлик радиоси P2 қанили мәрһум көрәш көсән әпәндиниң намиға беғишлап йәкшәнбә күни кәштә бир саәтлик программа аңлитидиғанлиқини, бу программа дүшәнбә күндин башлап радио истансисиниң тор бетидә бир ай туридиғанлиқини илан қилди.

Буниңдин сирт 12 – ноябир күни шветсийиниң стокһолм шәһридә шветсийә уйғур комитетиниң орунлаштуруши билән уйғур йеқинқи заман тарихидики икки қетимлиқ җумһурийәтни вә мәрһум көрәш көсән әпәндини хатирләш паалийити елип барди. Паалийәткә шветсийидә яшаватқан уйғурлардин 200 дин артуқ киши қатнашти. Паалийәт башлиниш билән мәрһум көрәш көсән әпәндиниң роһиға атап бир минут сүкүттә туруп тәзийә билдүрүлди вә хәтмә қуран қилинди.

Паалийәттә көрәш көсән әпәндиниң нахшилири қуюлди вә шеирлири декламатсийә қилинди вә униңға беғишлап йезилған әсәрләр оқулди. Шветсийә уйғур комитети намида мәрһумниң тәрҗимиһали оқуп өтүлди. Паалийәт давамида йәнә тарихта қурулған икки җумһурийәт һәққидә чүшәнчиләр берилди.

Бу қетимқи паалийәткә йәнә уйғурлардин сирт шветсийә уйғур комитети билән биргә хизмәт қиливатқан 4 дуня җәмийитиниң вәкили, шветсийидики әң чоң гезит болған "күндилик хәвәрләр гезити" ниң мухбирлири вә уйғур инсан һәқлири тәтқиқати билән шуғуллиниватқан пер әпәндимму қатнашти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.