Shwétsiyide ikki jumhuriyet we merhum köresh küsen ependi xatirilendi


2006.11.13
kuresh-200.jpg
Merhum köresh kösen shwétsiyidiki "dunya muzika" etriti bashliqi allé mollér ependi bilen.

11 - Noyabir küni shwétsiyining éskilstuna shehride milletler muzika féstiwali bolup ötti. Féstiwalgha shwétsiyining herqaysi jayliridin we bir qisim qoshna döletlerdin kelgen dangdar muzika etretliri qatnashqan bolup, bu qétimqi muzika féstiwaligha merhum köresh kösen ependimu özi hayat waqtida qatnashqan shwétsiyidiki eng ataqliq muzikant bolghan allé möller bashchiliqidiki "dunya muzika" etritining terkibide qatnashmaqchi idi. Bu heqtiki uchur we élanlar shwétsiyining herqaysi axbarat wasitilirida we intérnét tor bétliride bundin yérim yil ilgirila keng teshwiq qilin'ghan idi. Epsus merhum köresh kösen ependi bu féstiwalgha qatnishishqa ülgürmey bu alemdin ketti.

Muzika féstiwali bolghan bu küni merhum köresh küsen ependining süriti féstiwal ötküzüliwatqan éskilstuna sheherlik tiyatirxanining aldigha quyulup uninggha bolghan chungqur qayghusini we teziyisini bildürüshti. Féstiwal bashlan'ghan shu minutlarda merhum qatniship kéliwatqan "dunya muzika" etirining bashliqi shwétsiyidiki ataqliq sen'etkar allé möllér ependi tiyatirxanidiki tamashibinlargha köresh kösen heqqide chüshenche berdi we uninggha bolghan chungqur qayghusini ipadilidi. U mundaq deydu:

"Numurimiz bashlinishtin ilgiri silerge könglimizde ipadiliniwatqan bir azapni bildürmekchi, bugünki bu fistiwalning qatnashchiliridn biri bolghan ataghliq muzikanit köres sultan ependim arimizdin ketti. U ajayip talantliq bir muzikant idi u biz bilen birge talay qétim uyun quyup Uyghur muzikisining jewherlirini uyun qatnashilirigha namayan qilghan we ularning qizghin alqishigha sazawer bolghan idi. Biz uni her dayim chungqur yad itimiz. U bir yétilgen siyasiyon idi. Uning naxsha-muzikilirigha quyuq siyasi tüsmu singgen idi. Biz resmi numurlirimizni bashlashtin ilgiri u hayat waqtida eng yaxshi köridighan bu muzika bilen uninggha bolghan chungqur teziyimizni bildürimiz. ”

sweden-jumhuriyet-kuni.jpg

Bu qétimqi féstiwal jemi 11 sa'et dawamlashti. Féstiwal axirida riyasetchi sehnige chiqip bu qétimqi féstiwalining axirlashqanliqini jakarlash bilen birige shwétsiye döletlik radi'osi P2 qanili merhum köresh kösen ependining namigha béghishlap yekshenbe küni keshte bir sa'etlik programma anglitidighanliqini, bu programma düshenbe kündin bashlap radi'o istansisining tor bétide bir ay turidighanliqini ilan qildi.

Buningdin sirt 12 – noyabir küni shwétsiyining stokholm shehride shwétsiye Uyghur komitétining orunlashturushi bilen Uyghur yéqinqi zaman tarixidiki ikki qétimliq jumhuriyetni we merhum köresh kösen ependini xatirlesh pa'aliyiti élip bardi. Pa'aliyetke shwétsiyide yashawatqan Uyghurlardin 200 din artuq kishi qatnashti. Pa'aliyet bashlinish bilen merhum köresh kösen ependining rohigha atap bir minut sükütte turup teziye bildürüldi we xetme qur'an qilindi.

Pa'aliyette köresh kösen ependining naxshiliri quyuldi we shé'irliri déklamatsiye qilindi we uninggha béghishlap yézilghan eserler oquldi. Shwétsiye Uyghur komitéti namida merhumning terjimihali oqup ötüldi. Pa'aliyet dawamida yene tarixta qurulghan ikki jumhuriyet heqqide chüshenchiler bérildi.

Bu qétimqi pa'aliyetke yene Uyghurlardin sirt shwétsiye Uyghur komitéti bilen birge xizmet qiliwatqan 4 dunya jem'iyitining wekili, shwétsiyidiki eng chong gézit bolghan "kündilik xewerler géziti" ning muxbirliri we Uyghur insan heqliri tetqiqati bilen shughulliniwatqan pér ependimmu qatnashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.