Türkiyining qeysiri wilayitidimu ikki sherqiy turkistan jumhuriyiti xatirilendi


2006.11.15
Share on WhatsApp
Share on WhatsApp
bayraq-chiqirish-turkiye-20.jpg
Bayraq chiqirish murasimidin körünüsh

11 - Ay Uyghurlar üchün alahide ehmiyetke ige bir ay. Chünki Uyghurlarning yéqin tarixta qurghan ikki jumhuriyiti mana bu ayda qurulghan. Ikki jumhuriyetning qurulush yil xatirisini dunyadiki Uyghur ammiwi teshkilatlirigha oxshashla türkiyidiki Uyghur ammiwi teshkilatlirimu herxil pa'aliyetler bilen kütüwaldi.

11-Ayning 11-kuni istanbuldiki teshkilatlar birliship bu künni kütüwalghan bolsa 12 - qésla qeysiridiki Uyghurlar sherqiy türkistan medeniyet we hemkarliq jem'iyitining orunlashturushida bu künni kütüwaldi. Pa'aliyet sherqiy türkistan medeniyet we hemkarliq jem'iyitining aldida bayraq chiqirish murasimi bilen bashlandi. Türkiyining ay yultuzluq qizil bayriqi bilen ay yultuzluq kök bayraq chiqirildi. Yash ösmürler türkiyining istiqlal marshi bilen sherqiy türkistan istiqlal marshini oqudi.

Murasimdin kéyin sherqiy türkistan medeniyet we hemkarliq jem'iyiti bashliqi séyit tumtürk ependi bu yighilishni ötküzüshtiki meqset, bayraq chiqirish murasimining ehmiyiti, üstide toxtaldi.

Kéyin, sherqiy türkistan medeniyet we hemkarliq jem'iyiti mu'awin bashliqi ebubekri türksöy ependi sherqiy türkistan islam jumhuriyiti bilen sherqiy türkistan jumhuriyitining qisqiche tarixi we dölet apparatliri heqqide melumat bérip ötti. U sözide chet'elde yashawatqan pütun Uyghur yashlirining Uyghur tarixini yaxshi bilishi kéreklikini, bolupmu bu ikki jumhuriyetning tarixini bilishning shert ikenlikini tekitlep ötti. Kéyin qeysiridiki aqsaqallardin abdullah hajim, memetjan öztürk qatarliq péshqedemler oz eslimilirini yashlargha bayan qilip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.