Уйғур зиялийси камилҗанниң ' бүгүн ' мавзулуқ мақалиси һәққидә

11 - Айниң 12 - күни уйғурлар үчүн тарихи әһмийәткә игә бир күн. Бүгүн сабит дамуллам башчилиқидики рәһбәрләр 1933 йили қәшқәрдә, рәһмәтлик елихан төрәм башчилиқидики рәһбәрләр 1944 йили дәл мушу 11 - айниң 12 күни уйғур тарихида тунҗи қетим шәрқи түркистан җумһурийитини әмили қуруп чиққан бир күн.
Мухбиримиз әркин тарим
2008-11-13
Share
ShT-jumhurkuni-bugun-305.jpg Уйғур зийалийси камилҗан әпәндиниң икки җумһурийәтниң қурулған күнигә атап йазған `бүгүн` намлиқ мақалиси һәққидә.
RFA

Уйғур зиялийси камилҗан әпәндиниң икки җумһурийәтниң қурулған күнигә атап язған `бүгүн` намлиқ мақалиси түркийидики тор бәтлиридә елан қилинди. Аптор мақалисидә 20 - әсирдә уйғурлар қурған бу икки җумһурийәтниң әһмийити үстидә тохтилип мундақ дәп язиду: "бүгүн етиқад чүшәнчимизниң вә милли тарихимизниң мераҗи яритилған бир күн. Бүгүн дуня тарихидики тунҗи ислам җумһурийити, йәни, шәрқи түркистан җумһурийити икки қетим қурулған бир күн. Биз мушу бүгүнимизниң иптихари билән һазирму бешимизни тик тутуп дуняға мәғрур қариялайдиған бир күн."

 Аптор мақалисиниң ахирида уйғурларниң әшу күнни сеғиниватқанлиқини у әркинликни у күнни қайта қолға кәлтүрүш үчүн немә қилиши керәкликини мәшһур түрк шаири мәһмәт акиф әрсойниң шеирлири билән аңлатқан.

Мана әмдиликтә я йиғлашни, я күлүшни билмәй, әшу бүгүнни хатирилимәктимиз, әшу бүгүнни сеғинмақтимиз, әшу бүгүнгә тәлпүнмәктимиз, чоңқур һәсрәт билән әшу бүгүнни чақирмақтимиз. Әмма миллий тарихимизниң мераҗи болған улуғ бүгүнимиз болса, бизгә ечинип налә қилмақта, худди түркийә шаири ейтқандәк:

Байрақни байрақ қилған үстидики қандур,
Тупрақ әгәр җан бәргүчи болса вәтәндур.

Дегиничә виҗданимизға хитаб қилмақта. Әшу бүгүнимизни қайтидин қайтуруп алалишимиз үчүн бизни бәдәл төләшкә чақирмақта.

Биз бу мақалә һәққидә техиму көп мәлумат елиш үчүн мақалиниң аптори камилҗан әпәндигә микрофонимизни узаттуқ.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт