Uyghur ziyaliysi kamiljanning ' bügün ' mawzuluq maqalisi heqqide

11 - Ayning 12 - küni Uyghurlar üchün tarixi ehmiyetke ige bir kün. Bügün sabit damullam bashchiliqidiki rehberler 1933 yili qeshqerde, rehmetlik élixan törem bashchiliqidiki rehberler 1944 yili del mushu 11 - ayning 12 küni Uyghur tarixida tunji qétim sherqi türkistan jumhuriyitini emili qurup chiqqan bir kün.
Muxbirimiz erkin tarim
2008-11-13
Share
ShT-jumhurkuni-bugun-305.jpg Uyghur ziyaliysi kamiljan ependining ikki jumhuriyetning qurulghan künige atap yazghan `bügün` namliq maqalisi heqqide.
RFA

Uyghur ziyaliysi kamiljan ependining ikki jumhuriyetning qurulghan künige atap yazghan `bügün` namliq maqalisi türkiyidiki tor betliride élan qilindi. Aptor maqaliside 20 - esirde Uyghurlar qurghan bu ikki jumhuriyetning ehmiyiti üstide toxtilip mundaq dep yazidu: "bügün étiqad chüshenchimizning we milli tariximizning méraji yaritilghan bir kün. Bügün dunya tarixidiki tunji islam jumhuriyiti, yeni, sherqi türkistan jumhuriyiti ikki qétim qurulghan bir kün. Biz mushu bügünimizning iptixari bilen hazirmu béshimizni tik tutup dunyagha meghrur qariyalaydighan bir kün."

 Aptor maqalisining axirida Uyghurlarning eshu künni séghiniwatqanliqini u erkinlikni u künni qayta qolgha keltürüsh üchün néme qilishi kéreklikini meshhur türk sha'iri mehmet akif ersoyning shé'irliri bilen anglatqan.

Mana emdilikte ya yighlashni, ya külüshni bilmey, eshu bügünni xatirilimektimiz, eshu bügünni séghinmaqtimiz, eshu bügün'ge telpünmektimiz, chongqur hesret bilen eshu bügünni chaqirmaqtimiz. Emma milliy tariximizning méraji bolghan ulugh bügünimiz bolsa, bizge échinip nale qilmaqta, xuddi türkiye sha'iri éytqandek:

Bayraqni bayraq qilghan üstidiki qandur,
Tupraq eger jan bergüchi bolsa wetendur.

Déginiche wijdanimizgha xitab qilmaqta. Eshu bügünimizni qaytidin qayturup alalishimiz üchün bizni bedel töleshke chaqirmaqta.

Biz bu maqale heqqide téximu köp melumat élish üchün maqalining aptori kamiljan ependige mikrofonimizni uzattuq.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet