Uyghur élining kan bayliqini keng - kölemlik échish pilani muhit ehlini sarasimgha salmaqta


2007-12-24
Share

Xitay dölet kabinti bu yilning etiyaz peslide dölet ishlar yighini chaqirip, Uyghur élining néfit , teb'iy gaz bayliqini échish qedimini tézlitipla qalmay, kömür, renglik we gheyri renglik métallar bayliqini échish qedimini tézlitishni qarar qilghandin béri, xitayning memliket ichi we sirtidiki shirketlerde Uyghur aptonom rayonining medenchilik igilikige meblegh sélish qizghinliqi qozghaldi. Lékin muhit ehli bu qizghinliqning Uyghur ilidiki tebi'iy muhit we yerlik medeniyetni weyran qilish roli barliqini agahlandurmaqta.

Oghuz ependi amérikida muhit mesilisining ijtima'iy tesiri toghrisida ilim tehsil qilghan Uyghur magistirlarning biridur. U radi'omizgha bu toghrisida söhbet élan qildi. Töwende muxbirimiz erkinning bu heqtiki söhbet programmisini diqqitinglargha sunimiz.

Xitay gheyriy renglik métallar sana'et bash shirkiti Uyghur élining medenchilik igilikige meblegh salghan xitay karxanilirining biri bolup, mezkur shirket bingtüen 10 - diwiziyisining jungghar oymanliqidiki 184 - polki bilen béntonin qatarliq mehsulatlarni ishlepchiqirish we ottura asiya ellirige éksport qilish sodisi bilen shughullanmaqta. Uyghur élining medenchilik igilikige meblegh salghuchi karxanilar xitay shirketlirini asas qilsimu, lékin da'iriler chet'elliklerni meblegh sélishqa qiziqturiwatidu.

Bu yil 5 - ayda xitayning wenshyang paychéki cheklik shirkiti bir fransiye shirkiti bilen 50 milyon yawro meblegh sélip, bayin'gholinda dunyadiki eng chong zülük we andaluzit ishlepchiqirish bazisi qurush toxtami tüzdi. Shangxey longrén mermerchilik zinnetlesh cheklik shirkiti bolsa aqsuning onsu nahiyisige 50 milyon yüen meblegh sélip, qimmetlik tash zinnet mehsulatlirini ishlepchiqarmaqchi boluwatqan shirketlerning biridur. Yuqiriqi shirketler Uyghur élige meblegh salghuchi nurghun shirket - karxanilarning örneklik bir qanchisidinla ibaret bolup, amérika klark uniwérsitétining muhit penler magistiri oghuz ependi medenchilik qizghinliqining muhitni weyran qilidighanliqini agahlandurdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet