كانادا ھۆكۈمىتى، پرېزىدېنت بۇش ھۆكۈمىتىنىڭ گۈەنتانامۇ ھەربىي تۈرمىسىدە تۇتۇپ تۇرۇلۇۋاتقان 17 نەپەر ئۇيغۇر مەھبۇسقا سىياسىي پاناھلىق بېرىش توغرىسىدىكى تەلىپىنى رەت قىلغان.
كانادا مەتبۇئاتىدا چىققان خەۋەرلەرگە قارىغاندا، ئامېرىكا ھۆكۈمىتى، كانادا ھۆكۈمىتىنى ئۇيغۇر مەھبۇسلارغا سىياسىي پاناھلىق بېرىشكە قايىل قىلىش ئۈچۈن 2005 - يىلدىن بېرى ئۈچ قېتىم كاناداغا ھۆكۈمەت ۋەكىللەر ئۆمىكى ئەۋەتكەن. ئامېرىكا ھۆكۈمەت خادىملىرى، بۇ مەسىلىدە كانادا باش مىنستىرى سىتىفان خارپېر بىلەن ئۇزۇن مۇزاكىرىلەر ئېلىپ بارغان.
يۇقىرىدىكى ئۇلىنىشتىن، كانادا ھۆكۈمىتىنىڭ گۈەنتانامودىكى ئۇيغۇر مەھبۇسلارغا سىياسىي پاناھلىق بېرىشنى رەت قىلىشىنىڭ سەۋەبلىرى ئۈستىدە مۇخبىرىمىز ئۆمەر قاناتنىڭ ،كانادا-ئۇيغۇر بىرلەشمىسىنىڭ رەئىسى مەمەت توختى بىلەن ئۆتكۈزگەن سۆھبىتىنى دىققىتىڭلارغا سۇنىمىز.