Kanadada yashawatqan Uyghurlar türlük shekildiki teshwiqat pa'alyetlirini élip barmaqta

5 - Iyul ürümchi qirghinchiliqi yüz bergendin kéyin, torontoda yashawatqan Uyghurlar bir tereptin namayish teshkillise, yene bir tereptin türlük shekildiki teshwiqat pa'alyetlirini aktip qanat yaydurup, xelq'ara kishilik hoquq jem'iyetliri, kanada tashqi ishlar ministirliqi we kanada xelqi arisida 5 ‏- iyul ürümchi qirghinchiliqini keng kölemde, sistémiliq we ünümlük teshwiq qilish tori shekillendürüsh üchün tirishchanliq körsetmekte.
Muxbirimiz gülshen abduqadir
2009-07-28
Share
Al-jazire-Rukiye-Kanada-305 Kanada uyghur jemiyiti reisi ruqiye turdush xanimning el - jezire téléwiziyonida ürümchidiki qanliq basturush toghrisida munazire qiliwatqan körünüshi.
Youtube Din élindi.

Kanadadiki Uyghurlar bir tereptin xelq'ara kechürüm teshkilatigha masliship, xitayning Uyghurlargha qaratqan qirghinchiliq heriketlirini toxtitip,kishilik hoquqqa hörmet qilishi kérekliki heqqidiki murajetnamigha imza toplash herikitige jiddi imza toplash élip barsa, yene bir tereptin kanada tashqi ishlar ministirliqi we parlamént ezalirigha xet yézish kompaniyisi teshkillep, ürümchi qirghinchiliqining heqiqiy mahiyiti xitay hökümitining Uyghurlargha yürgüzüwatqan assimiliyatsiye siyasiti ikenlikini tonushturup xet yézip, kanada hökümitini 5 ‏- iyul ürümchi qirghinchiliqigha inkas qayturushqa we sherqi türkistan'gha bir biterep tekshürüsh guruppisi ewetishke chaqirdi.

Jüme namizidin paydilinip kanadadiki musulmanlargha, her küni kochilargha chiqip bashqa milletlerge 5 ‏- iyul ürümchi qirghinchiliqi heqqidiki resimlik teshwiqat waraqchiliri tarqitish kanadadiki Uyghurlar nöwette élip bériwatqan muhim ishlarning biri.

Kanadaning toronto shehiride nöwette élip bériwatqan 5 ‏- iyul ürümchi qirghinchiliqi eks ettürülgen türlük shekildiki teshwiqat pa'alyetliri heqqide, kanada Uyghur jem'iytining re'isi ruqiye turdush bilen söhbet ötküzduq.

Yuqiridiki awaz ulinishidin, bu söhbet xatirisining tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet