Кичик уйғур қизи арзу хәлқара кәшпиятчилар мусабиқисидә алаһидә дәриҗигә еришти


2007-06-11
Share

Кичик уйғур кәшпиятчи арзу абдуҗелил, алаһидә дәриҗилик мукапатқа еришкән. Photos by RFA / Erkin Tarim

Дуня кәшпиятчилириниң 4- нөвәтлик хәлқара лайиһә олимпик мусабиқиси түркийә пайтәхти әнқәрәдә өткүзүлди.

Түркийидики саман йоли вә атлантик маарип тәшкилатлири ортақ уюштурған бу мусабиқигә 41 дөләттин 7454 кәшпият қатнаштурулған . Буларниң ичидә 130 кәшпият һәл қилғуч мусабиқигә талланған болуп, һәл қилғуч мусабиқигә талланған кәшпиятлар 6-айниң 9-күнидин 10-күнигичә әнқәрәдики миллий маарип залида көргәзмә қилинди.

Мана бу һәл қилғуч мусабиқигә қалғанларниң ичидә бир уйғур қизиму бар болуп, у бу мусабиқигә канада монтериялдики сөгүт башланғуч мәктипигә вакалитән қатнашқан.

Кичик уйғур кәшпиятчи арзу абдуҗелил, алаһидә дәриҗилик мукапатқа еришкән. Photos by RFA / Erkin Tarim

Бу кичик уйғур кәшпиятчи қизниң исми арзу абдуҗелил, у әмдила 9 яшқа киргән. У иссиқ, соғуқ вә илман су чүшүрүшкә болидиған, мәхсус ашханиларда ишлитишкә болидиған җүмәк кәшип қилған. Мәзкур уйғур қизи алаһидә дәриҗилик мукапатқа еришкән.

Бу мусабиқидә қирғизистанлиқ вә таҗикистанлиқ өсмүрләрниң иҗадийәтлириму юқири мукапатларға сазавәр болған. (Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт