5-Nöwetlik xelq'ara insan heqliri kino bayrimi ötküzüldi


2007-10-08
Share

10 - Ayning 1 - küni 5-nöwetlik xelq'ara insan heqliri kino bayrimi gérmaniyining nürnberg shehride bashlan'ghan. Bu pa'aliyet 10 - ayning 10 - künige qeder dawam qilidiken. Bu kino bayrimi jeryanida dunyaning her qaysi elliride ishlen'gen insan heqliri we démokratiyini asasi téma qilghan yüzge yéqin kino filimi yighin ehlining diqqitige teqdim qilinip, yaxshi bahagha érishken filimler teqdirlinidiken.

Xelq'ara insan heqliri teshkilatliri teripidin uyushturulidighan bu xildiki pa'aliyetlerge qatnashturilidighan filimler, kishilik hoquq teshkilatlirining insan heqliri we démokratiye basturulushlargha uchrawatqan döletlerning mustebit tüzülmilirini pash qilishta höjjet xaraktérlik ehmiyetke ige bolidiken. Bu pa'aliyetke Uyghurlargha a'it filimlermu qatnashturulghan.

10-Ayning 3-küni, nürnberg xelq'ra insan heqliri kino bayrimining mudiri andre'a kuhn xanimning teklipige bina'en , dunya Uyghur qurultiyi ijra'iye komitétining mu'awin re'isi ablikim idris ependi we qurultay bash katipi, yawrupa sherqiy türkistan birliki teshkilatining re'isi dolqun eysa ependiler bu kino bayrimigha qatnashqan.

Pa'aliyet jeryanida, Uyghurlargha a'it ikki filim yighin ehlining diqqitige sunulghan. Biri, gérmaniyining "sat 3" téléwiziye qanili teripidin ishlen'gen Uyghur milliy herikitining rehbiri rabiye qadir xanimgha munasiwet filim bolghan bolsa, yene biri Uyghurlarning darwazchiliq sen'itige a'it 60 minutluq bir filim bolghan. Bu filimlerde Uyghurlarning kishilik hoquqlirining depsendichiliklerge uchrash ehwalliridin melumatlar bérilgen. (Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet