Bay we kembegheller otturisidiki perq barghanséri chongaymaqta

• Muxbirimiz méhribanning bu heqtiki tepsili melumati
• Download story audio

Yéqinda xitay yashlar géziti xitaydiki bay we kembegheller mesilisi heqqide mexsus tekshürüsh doklati élan qildi. Mezkur doklatta éytilishiche, yéqinda xitayda élip bérilghan bu tekshürüshte, 98% tin artuq kishi xitaydiki bay we kembegheller otturisidiki perqning heqiqeten chongiyip kétiwatqanliqini étrap qilghan hemde 85% kishi özlirining bay we kembegheller otturisidiki perqning bundaq haletke yétishidin intayin nepretlinidighanliqini we uni qobul qilalmighidek haletke yetkenlikini melum qildi.

Xitay siyasiy qanun uniwérsitétining professori yang fen ependi "hazir xitaydiki bay we kembegheller otturisidiki perqning barghanséri chongiyip kétishidiki seweb, kirim teqsimatining yaxshi tengshelmigenlikidin, ottura qatlamdikilerning dégendek tereqqiy qilalmaywatqanliqidin " dep bildürdi.

Xitaydiki bay we kembegheller otturisidiki perqning bundaq derijide chongiyip kétishini peqet sheher, yaki sheher we yéza otturisidiki perqlerdinla emes, belki yéza we yéza otturisidiki perqlerdinmu biliwalghili bolidu. Mesilen bu yil 5 ‏- ayda xitaydiki 20 din artuq yéza -kentlerde élip bérilghan tekshürüshtin melum bolushiche, 2005 ‏- yili kishi béshi yilliq kirimi eng köp bolghan yéza jang su ölkisining xu'a shi kenti bolup, mezkur kettiki déhqanlarning yilliq kirimi orta hésabta 19 ming yü'en'ge yetken. Lékin yilliq kirimi eng töwen bolghan senshi ölkisining nen niwen kentide déhqanlarning yilliq kirimi 1500 yü'en etrapida bolup, bu ikki kent otturisidiki kirim perqi 12 hessige yetken.

Uyghur élide déhqanlarning turmush sewiyisi téximu töwen bolmaqta. Mesilen radi'omizning heqsiz léniyisige kéliwatqan téléfonlardin melum bolushiche, hazir Uyghur élining jenubiy rayonliridiki yézilarda hashar emgiki ta hazirghiche dawamlashqan bolup, déhqanlar yil axirigha barghanda, nechche ming yü'enlep qerz bolup qalidighan ehwal nahayiti köp kürilidiken.

Bu heqtiki tepsili melumatlarni, muxbirimiz méhribandin anglang.