Kilinton xanimning intérnét erkinliki toghrisidiki nutqidin kéyinki amérika - xitay munasiwitige nezer

Amérika tashqi ishlar ministiri hélariy klinton tünügün uchur muziyida intérnét erkinliki heqqide sözligen nutqida 'bezi döletler xelqning intérnét erkinlikini boghuwatidu' dep körsetken idi.
Muxbirimiz weli
2010-01-22
Élxet
Pikir
Share
Print
21 - Yanwar küni, amérika dölet ishlar ministiri hélari klinton xanim axbarat muzéyida intérnét toghrisida söz qilip, torgha cheklime qoyghan we tor xaklighan hökümet hem shexslerge qarshi xelqara imbargo yürgüzüshni telep qilghan. Süret, klinton xanim sözde.
21 - Yanwar küni, amérika dölet ishlar ministiri hélari klinton xanim axbarat muzéyida intérnét toghrisida söz qilip, torgha cheklime qoyghan we tor xaklighan hökümet hem shexslerge qarshi xelqara imbargo yürgüzüshni telep qilghan. Süret, klinton xanim sözde.
www.newseum.org Din élindi.

Bügün xitay tashqi ishlar ministirliqining bayanatchisi ma jawshü 'amérika tashqi ishlar ministiri sözide junggogha daritip hujum qildi, uning sözi junggo - amérika munasiwitige xeter keltüridu' dep naraziliq bildürdi. Mutexessisler bu heqte baha élan qildi.

Amérika tashqi ishlar ministiri hélariy klinton tünügün washin'gtondiki uchur muziyida intérnét erkinliki heqqide sözligen nutqida ' bezi döletler éliktronluq tosma bina qilip, öz dülitidiki xelqning pütün dunyagha ortaq bolghan intérnét torliridin paydilinishini cheklewatidu. Bu, dunya kishilik hoquq xitapbamisige xilapliq qilghanliq. Dunya kishilik hoquq xitapbamisida, uchur wastilirining dölet chégrisi bilen cheklenmigen halda uchur we idiye tarqitish hoquqi bar, dep éniq belgilen'gen ' dep körsetken idi.

Hélariy klinton nutqida yene, 'xelqning uchur erkinlikini bughuwatqan bezi döletler we térrorchilar shuni bilip qoyushi kérekki, hazirqi dunya xelq intérnétke tayinip öz -ara alaqe qilidighan dunya, bir jayda intérnétke hujum qilghanliq pütün dunyagha hujum qilghanliq. Amérika 'dunya kishilik hoquq xitapnamisi' gha we sabiq amérika prézidénti franklin rozwélt 1941‏ - yili jakarlighan töt xil erkinlik (dölet puqralirining pikir bayan qilish erkinliki, din'gha étiqad qilish erkinliki, namratliqqa qalmasliq erkinliki, tehditke uchrimasliq erkinliki dégen töt xil erkinlik) buyiche ish körüp kéliwatidu, hazirmu, buningdin kéyinmu mushu prinsiplar buyiche intérnétni qoghdaydu, intérnétke hujum qilghanlarning jawabkarliqini sürüshte qilidu' dep tekitligen idi.

Birleshme agéntliqining bayan qilishiche, xitay tashqi ishlar ministirliqi bayanatchisi ma jawshü bügünki bayanatida, hélariy klinton xanimni 'junggogha daritmilap hujum qildi, biz buninggha qet'iy qarshi turimiz', 'junggoda 380 milyon adem qollinidighan 3 milyon 600 ming inténét tor béti her da'im ochuq, biz uning bu pakitqa hörmet qilmastin turup, atalmish 'intérnét erkinliki' dégenni bahane qilip, junggogha hujum qilishgha hergiz yol qoymaymiz' dep jakarlidi.

Hazir amérikining nyujérsi shitatida turuwatqan jem'iyetshunas, musteqil tetqiqatchi chén shawnung bu heqte baha élan qilip, xitayning köz qarishini ret qildi. Uning bayan qilishiche, dunyada xelqning intérnét erkinlikini boghidighan bir nechchila dölet bar, buning biri xitay, xitay hökümiti 'shehwaniyliqni tosash' dégen nam bilen intérnétni tosup, intérnét ehlining arzu qilidighan erkinlik uchurliridin xewerdar bolushini cheklewatidu. Emma xitay hökümitining özining tor betliride shehwaniy uchurlar, bed - beshire foto resimler bar, hetta shehwaniyliqni tepsiliy tonushturidighan mulazimetmu bar. Xitayning bayanatchisi bu pakittin özini qachurghan.

Chén shawnungning bayan qilishiche, xitay hökümitining junggoda intérnét ochuq dégini, hökümet erkinlik uchurlirini tosiwetkendin kéyinki intérnét ochuq, xelq xalimaydighan bimene uchurlar ochuq dégenlik. Xitayning bayanatchisi bu pakittinmu özini qachurghan.

Chén shawnungning qarishiche, xitay bayanatchisining amérika tashqi ishlar minisitirini xitaygha darimilap hujum qildi, dégini xata. Xelq'ara kishilik hoquq xitapnamiside belgilinishiche, her qandaq bir döletning bashqa döletlerdiki kishilik hoquq weziyitige baha bérish, tenqid otturigha qoyush hoquqi bar. Xitayningmu shundaq qilish hoquqi bar. Emma kishilik hoquqni depsende qiliwatqan xitay her yili bashqa döletlerning tenqidini kishilik hoquqqa xilapliq qilghanliq dep töhmet qiliwatidu. Xitay özi tüzüwalghan bundaq ölchemlerni dunyada héchqandaq bir dölet qobul qilghini yoq.

Chén shawnungning qarishiche, xitay bayanatchisining her qandaq döletning xitaydiki kishilik hoquq depsendichilikini tenqidligenlikini, xitay bilen bolghan munasiwetni buzidu, dégen gepliri öktemlik qilghanliq we birxil tehdit.

Musteqil tetqiqatchi chén shawnung, xitay hökümiti Uyghur aptonom rayonida intérnét we téléfon alaqisi ochuq dep jakarlighan bolsimu, emeliyette yenila tosuq, bu xitaydiki bir xil chékinish, xitay hökümiti hazir shinjangda élip bériwatqan bundaq sinaqni, buningdin kéyin özining weziyiti yamanlashqanda, ichki ölkilerdimu qollinishi mumkin.

B b s ning bayan qilishiche, béyjing uniwérsitéti xelq'ara uchur pakoltétining proféssori ju féngmu bu heqte baha élan qilip, xitay tashqi ishlar ministirliqi bayanatchisi ma jawshöning hilariy klinton'gha qarita dégen gepliri, emeliyette xitaydiki xelqqe qilin'ghan popoza, bu gep amérikigha tesir körsitelmeydu, dégen.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet