Тағға ямишиш тәнтәрбийәчилири шәрқий туркистанниң көк байриқини әрҗийәс теғиға тикти

• Ихтияри мухбиримиз әркин таримниң бу һәқтики мәлумати
• Download story audio

Көк байрақ әрҗәйис теғида

Түркийиниң кичик тәңритеғи дәп билинидиған әрҗийәс теғиниң 3917 метир игиликтики чоққисиға шәрқий түркистанниң көк байриқи тикилди. Икки йилдин буян түркийидә чиқиватқан истиқлал гезитиниң икки яшқа толғанлиқи шундақла 17-новәтлик әрҗийәс қурултийи мунасивити билән 8-айниң 6-куни таға ямишиш тәнтәрбийичиси бәкир дәмираг башчилиқидики 5 нәпәр тәнтәрбийичи көк байрақни әрҗийәс теғиға ечиққан вә у йәргә тиккән. Бу тағчилар бәкир дәмираг, назим пәһливан, шукри турә, нурәттин йилдиз вә шәнол җәңизләрдин тәркип тапқан болуп, көк байрақни тиккәндин кейин тағ чоққисидики хатирә дәптиригә оз туйғулирини йезип қалдурған.

Таға ямишиш тәнтәрбийичиси бәкир дәмирағ әпәнди әрҗийәс теғиға көк байрақни қадаш пикри қандақ оттуриға чиқти, дегән суалимизға җавап берип мундақ деди:

"Мән тәбиәтни вә таға ямишишни бәк яхши көримән. Һазирғичә әрҗийәс теғиға 44 қетим чиқтим. Әрҗийәс теғи түркийиниң оттурисиға җайлашқан 3917 метир егизликтики һәйвәтлик бир тағ. Мән түрк тарихиға вә мәдәнийитигә әһмийәт беридиған бир кишимән. Шәрқий түркистандики қериндашлиримниң қандақ қейин әһвалларда яшаватқанлиқини билимән. Бу таға чиқиш пикри истиклал гезитни чиқириватқан мәмәт имин батур, абдумиҗит авшар әпәндиләрниң тәклипи бойичә болди. 5 Киши сеһрий түркистанниң көк байриқини әрҗийәс тәғиниң чоққисиға елип тиктуқ. Буниңдин өзүмни интайин бәхтлик һәс қиливатимән".

Тағ чоққисидики хатирә дәптиргә нимиләрни яздиңиз, дегән суалимизға җавап бәргән бәкир дәмирағ әпәнди мундақ деди:

"Мән у дәптәргә оз һессиятлиримни йезип қалдурдум. Қәйсиридә яшайдиған шәрқий түркистанлиқ қәриндашлиримниң оз юртиға болған сәғинишини яздим. Шәрқий түркистанниң әң қисқа вақит ичидә мустәқиллиққә әришишигә болған тиләклиримни яздим вә бу йолда җан бәргән шәһитләрниң роһиға шадлиқ тилидим".

У сөзиниң ахирида әгәр шәрқий түркисанлиқлардин тәләп кәлгән тәқдирдә шәрқий түркистанниң көк байриқини түркийиниң башқа тағлириғиму тикишни халайдиғанлиқини деди.

Бу һәқтики мәлуматларни, түркийидики ихтияри мухбиримиз әркин таримдин аңлаң.