Taghgha yamishish tenterbiyechiliri sherqiy turkistanning kök bayriqini erjiyes téghigha tikti


2006.08.10
kok-bayraq.jpg
Kök bayraq erjeyis téghida

Türkiyining kichik tengritéghi dep bilinidighan erjiyes téghining 3917 métir igiliktiki choqqisigha sherqiy türkistanning kök bayriqi tikildi. Ikki yildin buyan türkiyide chiqiwatqan istiqlal gézitining ikki yashqa tolghanliqi shundaqla 17-nowetlik erjiyes qurultiyi munasiwiti bilen 8-ayning 6-kuni tagha yamishish tenterbiyichisi bekir demirag bashchiliqidiki 5 neper tenterbiyichi kök bayraqni erjiyes téghigha échiqqan we u yerge tikken. Bu taghchilar bekir demirag, nazim pehliwan, shukri ture, nurettin yildiz we shenol jengizlerdin terkip tapqan bolup, kök bayraqni tikkendin kéyin tagh choqqisidiki xatire deptirige oz tuyghulirini yézip qaldurghan.

Tagha yamishish tenterbiyichisi bekir demiragh ependi erjiyes téghigha kök bayraqni qadash pikri qandaq otturigha chiqti, dégen su'alimizgha jawap bérip mundaq dédi:

"Men tebi'etni we tagha yamishishni bek yaxshi körimen. Hazirghiche erjiyes téghigha 44 qétim chiqtim. Erjiyes téghi türkiyining otturisigha jaylashqan 3917 métir égizliktiki heywetlik bir tagh. Men türk tarixigha we medeniyitige ehmiyet béridighan bir kishimen. Sherqiy türkistandiki qérindashlirimning qandaq qéyin ehwallarda yashawatqanliqini bilimen. Bu tagha chiqish pikri istiklal gézitni chiqiriwatqan memet imin batur, abdumijit awshar ependilerning teklipi boyiche boldi. 5 Kishi séhriy türkistanning kök bayriqini erjiyes teghining choqqisigha élip tiktuq. Buningdin özümni intayin bextlik hes qiliwatimen".

Tagh choqqisidiki xatire deptirge nimilerni yazdingiz, dégen su'alimizgha jawap bergen bekir demiragh ependi mundaq dédi:

"Men u depterge oz héssiyatlirimni yézip qaldurdum. Qeysiride yashaydighan sherqiy türkistanliq qerindashlirimning oz yurtigha bolghan seghinishini yazdim. Sherqiy türkistanning eng qisqa waqit ichide musteqilliqqe erishishige bolghan tileklirimni yazdim we bu yolda jan bergen shehitlerning rohigha shadliq tilidim".

U sözining axirida eger sherqiy türkisanliqlardin telep kelgen teqdirde sherqiy türkistanning kök bayriqini türkiyining bashqa taghlirighimu tikishni xalaydighanliqini dédi.

Bu heqtiki melumatlarni, türkiyidiki ixtiyari muxbirimiz erkin tarimdin anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.