Shwétsiyilik Uyghur qizi melike hoylisigha ay yultuzluq kök bayraq ésish murasimi ötküzdi

• 
  2006-08-23

• Ixtiyari muxbirimiz yalqunning bu heqtiki melumati
• Download story audio

Biz burunqi programmizda shwétsiyidiki bir shwét ayal béqiwalghan Uyghur qizi melike toghruluq xewer bergen iduq. Melike gerche tughulup emdila ikki heptilik bolghanda shwétsiyige kelgen bolsimu, u chong bolush jeryanida béqiwalghan apisidin özining Uyghur qizi ikenlikini bilip chong bolghan. Shwét ana melikige Uyghurlar toghruluq dawamliq uchur birip turghandin sirt Uyghur élidin Uyghurche kitap we Uyghurlarning herxil hüner-sen'et buyumlirini ekeldurup öyige tizip bergen. Öyning bir témini Uyghurlarning herxil doppa, tumaq qatarliq bash kiyimliri bilen toldurwetken.

Gerche melike hazirghiche özining kindik qéni tökülgen wetinige bérip baqmighan bolsimu Uyghurlarning tarixi, medeniyiti örüp-aditi we siyasi teqdirige alaqidar uchurlardin xewerdar bolup turghan we bu heqte bilim igiligen.

U aldinqi qétim ziyaritimizni qobul qilghanda özining bir Uyghurning qizi bolush süpiti bilen wetini sherqi türkistan'gha we sherqi türkistan jumhuriyitining bayriqi bolghan ay-yultuzluq kök bayraqqa alahide ixlasining barliqini bildürgen idi. U mushu ayning 19- küni stokgolm shehiridiki güzel aralgha jaylashqan turalghusigha bir bölek Uyghurlarni chaqirip ishikining aldidiki bayraq chiqirish xadisigha ay-yultuzluq kök bayraqni chiqirish tentenisini uyushturdi. U kökte lerzan lepildewatqan kök bayraqqa qarighan halda hayajanlinip mundaq deydu: "bu Uyghurlar bayriqining shwétsiye asminida tunji qétim lepildishi,men bayriqimizning menggü jewlan qilishini arzu qilimen, bu men üchün nahayti xushallinarliq we qiziqarliq ish boldi.

Bayraq chiqrishqa qatnashqan péshqedem inqilabchi abdurishit haji kérim ixtiyari muxbirimizning ziyaritini qobul qilip, öz tesiratini ipadilidi.