Истанбул көргәзмә вә қурултай мәркизидә түрк дуняси консерт кечилики өткүзүлди


2006-08-14
Share

8-Айниң 12-күниистанбул вақти 19:00 -23:45 кичә истанбул көргәзмә вә қурултай мәркизидә түрк дуняси консерт кечилики өткүзүлди. Бу кечиликтә түркийидики даңлиқ нахшичилардин бири болған махсун қирмизигул консерт бәрди. Бу консертни шәрқий түркистан мәдәнийәт вә һәмкарлиқ җәмийити, көк байрақ жорнилиистанбул вәкили вәистанбул түркистан тәнһәрикәт кулуби қатарлиқ орунлар тәшкиллигән болуп, истанбулдики шәрқий түркистанлиқ көчмәнләр вә қәйсиридин кәлгән уйғурлар һәмдә истанбуллуқ түрк қериндашлардин болуп коп санда киши қатнашти.

Түркийә бүйүк бирлик партийисиниң баш секретари мухсин язичи оғли, бир қисим сиясәтчиләр вә истанбул шәһриниң алақидар рәһбәрлири һәмдәистанбул шәһәр аһалисидин 500 гә йеқин киши консертқа иштирак қилди. Қәйсиридин 1000 километрға йеқин йол бесип консертқа кәлгән уйғур қизи бәтул суйдунлу "биз ким?" намлиқ түркчә шәирини, дилара суйдунлу болса "җаним түркистан" намлиқ түркчә шәирни декламатсийә қилип консерт иштиракчилириниң алқишиға муйәссәр болди.

Түркийәниң канал а телевизийә истансиси 12-авғуст өткүзүлгән түрк дуняси консерт кечиликини нәқ мәйдандин суний һәмра билән дуняға тарқатти. Телевизйә риясәтчиси әсра ханим консертни шундақ башлиди:

Түрк дуняси консертидә сәһнигә чиққан биринчи сәнәтчи махсун қирмизигул. Қиммәтлик меһманлар хош кәпсиләр.

Махсун қирмизигул сәһнигә чиқиштин бурун, риясәтчи әстра ханим нахшичи ибраһим дулгәрни сәһнигә тәклип қилди. Ибраһим дулгәр әпәнди нахша оқушқа башлаштин бурун соз қилип мундақ деди:

"Шәрқий түркистан дәвасиға көңүл болуватқан ханимлар әпәндиләр, канал а телевизийиниң қиммәтлик көргүчилири, һәммиңларға һөрмитимни билдүримән. Мән келәчәк консеримизни уйғурларниң оз вәтини шәрқий түркистанда беришимизни чиң көңлүмдин үмид қилимән. Мән биринчи болуп түркистанниң милли шаири сулайман абдулхамит чолпанниң "гүзәл түркистан саңа нә болди?" намлиқ нахшисини оқуп беримән.

Кейин даңлиқ нахшичи махсун қирмизигул тамашибинларниң қизғин алқишлиши ичидә сәһнигә чиқти вә даң чиқарған нахшилиридин бири болған қериндашлиқ нахшисини оқуди: нахшисида түрк - курт қериндашлиқи тәкитләнгән.

Консерт җәрянида махсун қирмизигулгә тон кийгүзүлди. Тон кәйдүрүш үчүн сәһнигә чиққан көк байрақ жорнилиниң истанбул вәкили мәхмәт донмәз әпәнди мундақ деди:

"1949-Йилида бизниң ата-анилиримиз, бовилиримиз, ат ешәк вә төгиләргә минип 3 йилда түркийигә йетип кәлгән икән. Биз бүгүн түркийидә тунҗи қетим көкбайрак жорнили болуш сүпитимиз билән даңлиқ нахшичи махсун қирмизигулни тәклип қилип бу консертни қилдуқ, мән махсун қәриндисиһимга шәрқий түркистанлилар намидин рәһмәт ейтимән, бизниң бу консертни вә шәрқий түркистан дәвасини нәқ мәйдандин дуняга тарқитиватқан канал а телевизийиси мәсуллириғиму рәһмәт ейтимән. Гретсийә грекларниң туприқи, булғарийә булгарларниң йери, шәрқий түркистан түркләрниң земинидур. Мән ахирида даңлиқ нахшичи махсун қирмизигулгә шәрқий түркистанниң милли қияпити чапан, йәни тонни көйдүримән".

Бу консертқа иштирак қилған буюк бирлик партийиси башлиқи мусин язиҗиоғлиға көк байрақ тәқдим қилинди. У көкбайрақни союп алғандин кейин соз килип мундақ деди:

"Түрк дуняси консертигә қатнашқанлиқим үчүн өзүмни наһайити бәхтлик һис қиливатимән. Шәрқий түркистан түркләрниң өз вәтини, шәрқий түркистанлиқ қериндашлиримиз узун йилдин буян зулум чекиватиду, бу зулумниң балдуррақ түгишини үмид қилимән.

Кейин даңлиқ нахшичи махсун қирмизигул қолиға микрофонни елип мундақ деди:

Мән түркмәнистанда, қазақистанда, азәрбайҗанда консерт бәрдим. Башқа түркий җумһурийәтләрдиму консерт бәрмәкчимән. Мән бу җумһурийәтләрдә шуни көрдүмки, улар түркийәни бәкла яхши көридикән бизму уларни яхши көримиз. Шәрқий түркистанлиқ қериндашлиримизниң бу йәргә келип җайлашқиниму яхши бопту, дөлитимиз һәр милләт хәлқи билән гүзәлдур. Мән нахшилиримда хәлқниң инсанларниң қериндашлиқини мәдһийләймән. Дуняға тинчлиқ кәлсун, күчлүк милләтләр күчсиз милләтләрни әзмисун".

Консертта махсун қıрмıзıгүлдин башқа сәнәтчиләрму уйғурчә, түркчә муңлуқ, җәңгивар нахшиларни яңритип тамашибинларниң қизғин алқишиға еришти.

Истанбул ататүрк айродроми йениға җайлашқан 10 миң кишилик бу сарайда шәрқий түркистан мәдәнийәт вә һәмкарлиқ җәмийитиниң тиришчанлиқи,истанбул шәһәрлик һөкүмәттики рәһбәрләрниң қоллап қуввәтлиши арқисида консерт мувәппәқийәтлик өткүзүлди. Консертқа келәлмигән шәрқий түркистанлиқлар вә шәһәр аһалиси телевизор икранлиридин нәқ мәйдан әһвалини тамаша қилди. Бу консертниң исми түрк дуняси консерти болсиму, мәзмунидин қариғанда шәрқий түркистан үчүн мәхсус орунлаштурулғандәк қилиду. Шәрқий түркистан аммивий тәшкилатлириниң мәсуллири, бу консертниң шәрқий түркистан мәсилисини түркийидә техиму кеңәйтиш үчүн яхши пурсәт болғанлиқини илгири сүрүшмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт