Istanbul körgezme we qurultay merkizide türk dunyasi konsért kéchiliki ötküzüldi


2006-08-14
Share

8-Ayning 12-küni'istanbul waqti 19:00 -23:45 kiche istanbul körgezme we qurultay merkizide türk dunyasi konsért kéchiliki ötküzüldi. Bu kéchilikte türkiyidiki dangliq naxshichilardin biri bolghan maxsun qirmizigul konsért berdi. Bu konsértni sherqiy türkistan medeniyet we hemkarliq jem'iyiti, kök bayraq zhornili'istanbul wekili we'istanbul türkistan tenheriket kulubi qatarliq orunlar teshkilligen bolup, istanbuldiki sherqiy türkistanliq köchmenler we qeysiridin kelgen Uyghurlar hemde istanbulluq türk qérindashlardin bolup kop sanda kishi qatnashti.

Türkiye büyük birlik partiyisining bash sékrétari muxsin yazichi oghli, bir qisim siyasetchiler we istanbul shehrining alaqidar rehberliri hemde'istanbul sheher ahalisidin 500 ge yéqin kishi konsértqa ishtirak qildi. Qeysiridin 1000 kilométrgha yéqin yol bésip konsértqa kelgen Uyghur qizi betul suydunlu "biz kim?" namliq türkche she'irini, dilara suydunlu bolsa "janim türkistan" namliq türkche she'irni déklamatsiye qilip konsért ishtirakchilirining alqishigha muyesser boldi.

Türkiyening kanal a téléwiziye istansisi 12-awghust ötküzülgen türk dunyasi konsért kéchilikini neq meydandin sun'iy hemra bilen dunyagha tarqatti. Téléwizye riyasetchisi esra xanim konsértni shundaq bashlidi:

Türk dunyasi konsértide sehnige chiqqan birinchi sen'etchi maxsun qirmizigul. Qimmetlik méhmanlar xosh kepsiler.

Maxsun qirmizigul sehnige chiqishtin burun, riyasetchi estra xanim naxshichi ibrahim dulgerni sehnige teklip qildi. Ibrahim dulger ependi naxsha oqushqa bashlashtin burun soz qilip mundaq dédi:

"Sherqiy türkistan dewasigha köngül boluwatqan xanimlar ependiler, kanal a téléwiziyining qimmetlik körgüchiliri, hemminglargha hörmitimni bildürimen. Men kélechek konsérimizni Uyghurlarning oz wetini sherqiy türkistanda bérishimizni ching könglümdin ümid qilimen. Men birinchi bolup türkistanning milli sha'iri sulayman abdulxamit cholpanning "güzel türkistan sanga ne boldi?" namliq naxshisini oqup bérimen.

Kéyin dangliq naxshichi maxsun qirmizigul tamashibinlarning qizghin alqishlishi ichide sehnige chiqti we dang chiqarghan naxshiliridin biri bolghan qérindashliq naxshisini oqudi: naxshisida türk - kurt qérindashliqi tekitlen'gen.

Konsért jeryanida maxsun qirmizigulge ton kiygüzüldi. Ton keydürüsh üchün sehnige chiqqan kök bayraq zhornilining istanbul wekili mexmet donmez ependi mundaq dédi:

"1949-Yilida bizning ata-anilirimiz, bowilirimiz, at éshek we tögilerge minip 3 yilda türkiyige yétip kelgen iken. Biz bügün türkiyide tunji qétim kökbayrak zhornili bolush süpitimiz bilen dangliq naxshichi maxsun qirmizigulni teklip qilip bu konsértni qilduq, men maxsun qerindisihimga sherqiy türkistanlilar namidin rehmet éytimen, bizning bu konsértni we sherqiy türkistan dewasini neq meydandin dunyaga tarqitiwatqan kanal a téléwiziyisi mes'ullirighimu rehmet éytimen. Grétsiye gréklarning tupriqi, bulghariye bulgarlarning yéri, sherqiy türkistan türklerning zéminidur. Men axirida dangliq naxshichi maxsun qirmizigulge sherqiy türkistanning milli qiyapiti chapan, yeni tonni köydürimen".

Bu konsértqa ishtirak qilghan buyuk birlik partiyisi bashliqi musin yaziji'oghligha kök bayraq teqdim qilindi. U kökbayraqni soyup alghandin kéyin soz kilip mundaq dédi:

"Türk dunyasi konsértige qatnashqanliqim üchün özümni nahayiti bextlik his qiliwatimen. Sherqiy türkistan türklerning öz wetini, sherqiy türkistanliq qérindashlirimiz uzun yildin buyan zulum chékiwatidu, bu zulumning baldurraq tügishini ümid qilimen.

Kéyin dangliq naxshichi maxsun qirmizigul qoligha mikrofonni élip mundaq dédi:

Men türkmenistanda, qazaqistanda, azerbayjanda konsért berdim. Bashqa türkiy jumhuriyetlerdimu konsért bermekchimen. Men bu jumhuriyetlerde shuni kördümki, ular türkiyeni bekla yaxshi köridiken bizmu ularni yaxshi körimiz. Sherqiy türkistanliq qérindashlirimizning bu yerge kélip jaylashqinimu yaxshi boptu, dölitimiz her millet xelqi bilen güzeldur. Men naxshilirimda xelqning insanlarning qérindashliqini medhiyleymen. Dunyagha tinchliq kelsun, küchlük milletler küchsiz milletlerni ezmisun".

Konsértta maxsun qırmızıgüldin bashqa sen'etchilermu Uyghurche, türkche mungluq, jenggiwar naxshilarni yangritip tamashibinlarning qizghin alqishigha érishti.

Istanbul atatürk ayrodromi yénigha jaylashqan 10 ming kishilik bu sarayda sherqiy türkistan medeniyet we hemkarliq jem'iyitining tirishchanliqi,istanbul sheherlik hökümettiki rehberlerning qollap quwwetlishi arqisida konsért muweppeqiyetlik ötküzüldi. Konsértqa kélelmigen sherqiy türkistanliqlar we sheher ahalisi téléwizor ikranliridin neq meydan ehwalini tamasha qildi. Bu konsértning ismi türk dunyasi konsérti bolsimu, mezmunidin qarighanda sherqiy türkistan üchün mexsus orunlashturulghandek qilidu. Sherqiy türkistan ammiwiy teshkilatlirining mes'ulliri, bu konsértning sherqiy türkistan mesilisini türkiyide téximu kéngeytish üchün yaxshi purset bolghanliqini ilgiri sürüshmekte.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet