Түркийә дуня тиҗарәт мәркизидә шәрқий түркистан көргәзмиси ечилди


2006-05-11
Share
korgezme-turkiye.jpg
Уйғурчә кийингән уйғур балилар йәрмәнкидә.

Түркийиниң қәйсири шәһиридики дуня тиҗарәт мәркизидә, йеза игилик вә чарвичилиқ йәрмәнкиси өткүзүлди. Бу йәрмәнкидә шәрқий туркистан мәдәнийәт вә һәмкарлиқ җәмийити, шәрқий түркистанниң бүгүни вә өтмүши темисида көргәзмә ачти.

Йәрмәнкиниң ечилиш мурасимида қәйсири валиси осман гүнәш әпәнди соз қилған болуп, у сөзидә уйғур мәсилисини тилға алған вә түркләрниң мустәқиллиқиниң қиммитини билиши керәкликини тәкитлигән.

Бу йәрмәнкә һәққидә суаллиримизға җаваб бәргән шәрқий туркистан мәдәнийәт вә һәмкарлиқ җәмийити башлиқи сейит тумтүрк әпәнди түркийидә университетларда шәрқий туркистан һәққидики илми йиғинларни өткүзупла қалмастин, түркийидики башқа саһәләрдики кишиләргиму шәрқий туркистан һәққидә мәлумат бериш үчүн бу хил йәрмәнкиләргә қатнишиватқанлиқини ейтти.

Бу йәрмәнкиниң шәрқий туркистан көргәзмә бөлмисигә чүшәндүргүчи болуп ишләватқан варисҗан әпәнди зияритимизни қобул қилип, көргәзмә һәққидә тохталди.

Бу көргәзмини зиярәт қиливатқан тамашибинларму ихтияри мухбиримиз әркин таримниниг зияритини қобул қилип, өзиниң шәрқий түркистанға мунасивәтлик көргәзмә бөлүмчисини тасадипән көргәнликини, шәрқий түркистанни бурун аңлиғанлиқини, бирақ тәпсили билмәйдиғанлиқини, бу қетим шәрқий түркситан һәққидики көргәзмини көргәнликини вә у йәрдики қериндашлириниң зулум тартиватқанлиқи, искәнҗиләргә учраватқанлиқинидин хәвәрдар болғанлқини ейтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт