10 Yil burunqi "térrorist" bügün bash ministir

2008-01-10
Élxet
Pikir
Share
Print

Kosovo-HashiTachi-200.jpg
1998 ‏- Yili sirbiye teripidin terrorist dep élan qilin'ghan hashim tachi, 9 ‏- yanwar küni kosowaning bash ministirliqigha teyinlendi. AFP Photo

9 ‏- Yanwar küni kosowa parlaménti, kosowa partizanlirining sabiq bashlighi hashim tachini bash ministirliqqa teyinlidi. Hashim tachi 1998 ‏- yili sirbiye teripidin térrorist élan qilin'ghan, eyni chaghda, amérika tashqi ishlar ministirlikining kosowa wekili robért gélbardmu hashim tachini térrorist dep eyipligen idi. Hashim tachi wezipini tapshurup alghandin kéyin, kosowa musteqilliqini bir qanche heptilikla waqit mesilisi dep bildürgen hem bu toghrida yawropa birliki bilen amérikining meslihetini hich qachan nezerdin saqit qilmaydighanliqini eskertip ötken.

Hashim tachi: " mushu yilning aldinqi yérimida musteqilliqimiz emelge éship bolidu"

Hashim tachi saylamdin kéyinki sözide yene, sirbiyeni mustemlikichilik niyitidin qisqa waqit ichide waz kéchishke chaqirghan؛ kosowani kosowadiki barliq milletlerning wetinidur dep bildürgen hem kosowadiki az sanliq milletlerning, jümlidin siriblarning heq-hoquqigha kapaletlik qilidighanliqi heqqide wede bergen, buning bilen teng, urush mezgilide kosowadin chiqip ketken sirb köchmenlirini, kosowagha qaytip kélip normal hayatini dawamlashturushqa chaqirghan.

121007-Kosovo-EU-Russia-200.jpg
2007 -Yili 10 - dékabir küni, yawropa parlaménti bash ishtabida yighin ötküzdi. Yighinda, EU ning tashqi ishlar bashliqi solana ependi bilen rusiye tashqi ishlar ministiri pikir almashturmaqta. AFT Photo

Hashim tachi muxbirlarni qobul qilghan chéghida musteqilliq élanining éniq waqtini bildürüshni ret qilip mundaq dégen: " ghayimiz mushu yilning aldinqi yérimida kosowani musteqil bir dölet qilip qurup bolush. Biz xelqimizning musteqilliq arzusini mümkin bolghan eng qisqa waqit ichide emelge ashurimiz."

Radikal qanat üstün awazda

Hashim tachi, 1990 ‏-yillarning otturida kosowa azadliq armiyisi dep atalghan partizanlar sépide eskiriy heriketke qatnashqan we yétekchilik qilghan؛ nato armiyisi kosowadiki sirbiye armiyisige hawadin hujum qilghanda, hashim tachi bashchiliqidiki kosowa azatliq teshkilati quruqluqtin hujum qilghan. Kosowa, 1999 ‏- yili b d t ning bashqurushigha ötkendin kéyin, hashim tachi kosowa démokratik partiyisini qurup siyasiy heriketke ötken.

121007-Kosovo-namayish-200.jpg
2007 - Yili 10 - dékabir küni, minglighan kosowoliq albanlar amérika we kosowo bayraqliri bilen keng kölemde namayish élip bérip, kosowo hökümitini derhal musteqilliq élan qilish toghrisida dewet qildi. AFT Photo

Bultur 17 ‏- noyabirda ötküzülgen kosowa parlamént saylimida, kosowa musteqilliq herikitidiki radikal qanat hésablan'ghan kosowa démokratik partiysi %34 awaz bilen parlaménttiki wekil sani jehettin 1 ‏-orunni؛ mötidil qanat hésablan'ghan démokratik ittipaq partiyisi bolsa %22 awaz bilen ikkinji orunni igelligen. Buning netijiside kosowa prézidénti fatmir sejdu, bultur 19 ‏-noyabir küni hashim tachigha hökümet kabintini qurup chiqish wezipisini tapshurghan. Hashim tachi qurup chiqqan 15 kishilik birleshme hökümet kabinti we bash ministirlik wezipisi kosowa parlaméntining tünügünki yighinida, 22 ge qarshi 85 awaz bilen testiqtin ötken. Kosowa birleshme hökümet kabintida radikal qanat 7 ministirlikni, mötidil qanat 7 ministirlikni, sirblar bir ministirlikni igelligen.

Xitay qarshi meydanda

Nöwette kosowa musteqilliqini qet'iy meydanda turup qollawatqan dölet amérika, yawropa birlikidiki döletlerning köp qismi kosowa musteqilliqining qollighuchiliri؛ peqet sirbiye, rosiye we xitay qarshi meydandiki tosalghulardur.

Hashim tachining eslidiki pilani bultur 10 - dékabirda, musteqilliq élan qilish bolup, yawropa birlikining izchil agahlandurushi we teshebbusi bilen musteqilliq élanini kéchiktürüp kelmekte. Hashim tachining nöwettiki pilani, sirbiyede, bu yil 3 ‏- féwralda ötküzilidighan prézidént saylimining netijisini kütüsh, eger, sirbiyening yéngi prézidénti , kosowa musteqilliqini qobul qilghan teqdirde, kosowa musteqilliqi heqqide sirbiye bilen birlikte qoshma bayanat élan qilish؛ eger yéngi prézidént qarshi turghan ehwalda, musteqilliqni öz aldigha yeni bir tereplime élan qilishtur.

Bu yil 39 yashqa kirgen hashim tachi piristina uniwérsitétida pelsepe oqughan andin shwétsariyidiki zurich uniwérsitétida xelqara munasiwet kespide oqughan. Közetküchiler, hashim tachining siyasiy hayattiki utuqlirini, uning milliy weziyet bilen xelqara weziyetning munasiwitini toghra dengsiyeligenlikide dep qarashmaqta. (Shöhret hoshur)

Pikirler (0)
Share
Toluq bet