Куча маарип тармақлири атизмни мәҗбурлаш һәрикитини елип бармақта

Куча наһийилик маарип идарисиниң ашкариланған ички һөҗҗитигә қариғанда, хитай һөкүмити бу йил 3 - айдин башлап, кучадики оқутқучи- оқуғучиларниң диний паалийәтләр билән шуғуллинишини қаттиқ чәкләйдиған бир қатар тәдбирләрни йолға қойған болуп, бу һәрикәт бир йилға қәдәр давамлишидикән.
Мухбиримиз гүлчеһрә
2010-08-10
Елхәт
Пикир
Share
Принт
Киришкә болмайдиған кишиләр һәққидики һөкүмәтниң бәлгилимиси есилған мәсчитниң ишикиниң алдида балиси билән намаз қиливатқан бир айал.
Киришкә болмайдиған кишиләр һәққидики һөкүмәтниң бәлгилимиси есилған мәсчитниң ишикиниң алдида балиси билән намаз қиливатқан бир айал.
RFA Photo / Erkin Tarim

Куча маарип тармақлириға қилған телефон зияритимиздин, гәрчә һазир язлиқ тәтил вақти болсиму, әмма даириләрниң аталмиш қанунсиз диний паалийәтләрни башқурушни күчәйтиш шоари астидики, бастуруш вә башқуруш һәрикитиниң юқири пәллигә чиққанлиқи дәлилләнди.

Дуня уйғур қурултийиниң баянатчиси дилшат ришит тәминлигән куча маарип идарисиниң "қанунсиз диний паалийәтләргә қарита мәхсус түзәш һәрикити елип бериш пилани" намидики бу ички һөҗҗитидә "куча җәмийәт аманлиқидики алаһидә нуқтилиқ орун болғанлиқи үчүн, һөкүмәт вә җамаәт хәвпсизлики даирилири билән зич маслишип, дөләт ичи сиртидики үч хил күчләрниң диндин пайдилинип маарип сепимизгә сиңип кирип бузғунчилиқ елип беришни зор күч билән тосуш интайин муһим "дәп көрситилгән.

Тәртипкә селиш пилани бойичә оқутқучи, оқуғучилар арисидики, динға етиқад қилидиған, роза тутидиған, намаз оқуйдиған, қуран өгинидиған, диний тәлим тәрбийигә аит китаб, мәтбәә буюмлирини сақлайдиған, һәтта диний алаһидилики гәвдилинидиған кийимләрни кийип, яғлиқ атидиған, сақал, бурут қоюдиғанлар асаслиқ зәрбә бериш, тәртипкә селиш обйекти қилинған.

Тәртипкә селиш җәрянида, мәктәпләрдә өз ‏-ара назарәтчилик қилиш түзүмини күчәйтиш, учур игиләш хизмитини күчәйтиш тәләп қилинған, оқутқучилар бир ‏- бирини назарәт қилиш, оқуғучилар бир ‏- бирини назарәт қилиш һәмдә оқутқучи, оқуғучилар бир ‏- бирини назарәт қилиш, юқириқидәк әһваллар көрүлгәндә, дәрһал мунасивәтлик орган вә мәсулларға мәлум қилиш, гуманланғанларни тәкшүрүш, ахтуруш вә байқиған һаман түзәш, тәрбийә бериш, өзгәртиш елип бериш, мәсилиси еғир яки җаһиллиқ билән өзгәрмигәнләргә қаттиқ чарә көрүш қатарлиқ җиддий тәдбирләрни алған.
 
Куча маарип идариси, мәзкур ички һөҗҗитигә қариғанда, хитай һөкүмитиниң наһийә тәвәсидики мәктәпләрдә оқутқучи, оқуғучиларниң диний паалийәтләр билән шуғуллинишини чәкләш һәрикитини бу йил 3 - айда башлиған болуп, 12 - айға қәдәр алтә қәдәм ‏- басқучқа бөлүп давамлаштурудикән.

Бу мәлуматқа асасән биз аввал куча наһийилик хәлқ һөкүмитигә телефон қилдуқ, бир хитай кадир әркин асия радиосидин телефон қиливатқанлиқимизни аңлап қопаллиқ билән турупкини ташлиди.

Куча наһийилик маарип идарисиға телефон улидуқ, бир уйғур кадир "хитай һөкүмитиниң маарип сиясити оқуғучиларни атизм тәрбийиси бойичә тәрбийиләш, шуңа оқутқучи - оқуғучиларниң динға етиқад қилиши қаттиқ чәклиниду" деди.

Куча маарип торидин ашкарилинишичә, кучада нөвәттә һәр түрлүк мәктәпләрдин 153 и болуп, буниң ичидә 20 оттура мәктәп, 128 башланғуч мәктәп, бир оқутқучиларниң билим ашуруш мәктипи вә йәнә бир оттура техника мәктипи һәмдә үч йәрдә йәсли бар икән.
 
Хитай һөкүмитиниң кучада маарип саһәсидә диний паалийәтләрни тәртипкә селиш һәрикити елип бериватқанлиқи һәққидә дәсләпки учур билән тәминлигән дилшат ришит әпәнди, хитайниң мәзкур һәрикитиниң кучадики барлиқ маарип, мәктәп орунлирила әмәс, пүтүн ақсу вилайити вә башқа уйғурлар зич олтурақлашқан вилайәт, шәһәр, наһийиләрдә охшашла елип бериватқанлиқини илгири сүрди.
 
Өткән һәптә ақсуниң бир қанчә наһийә һәм йезилириға қаратқан телефон зияритимиздинму, хитай һөкүмитиниң йиллардин бери ақсу тәвәсидики оқутқучи, оқуғучиларниң тәтиллик арам вақтидиму, уларни һәр һәптидә бир қетим мәктәпкә йиғип сиясий идийиви тәрбийини мәҗбурий күчәйтип елип бериватқанлиқи мәлум болған иди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикирләр (0)
Share
Толуқ бәт