Doktor qahar baratning kucharda bayqalghan qedimqi qebriler we xitayning shiyüduxufusi heqqidiki mulahizisi


2007-09-17
Share

Kucharning sheher ichide yer asti soda baziri bina qiliniwatqanda, 8 ‏- ayning 19 ‏- küni yer qatlamliridin qedimqi kuchar qebriliri bayqalghan. Kucharda bayqalghan gümbez shekillik qedimqi xish qebriler, axiretlik sapal qachilar we qebre témidiki tulpar (uchar at) nusxisi kucharning tipik medeniy yadikarliqiliri idi. Emma aqsu wilayetlik partkomning sékritari, teshwiqat bölüm bashliqliri qurghan rehberlik organ bu medeniy yadikarliqlarni miladidin ilgiri 60 ‏- yilida xitayning xen sulalisi tesis qilghan 'shiyüduxufu' dep atalghan herbiy organning kucharni idare qilghanliqining biwaste pakiti, dep teshwiq qildi.

Hazir amérikida turuwatqan tarix penliri buyiche doktor qahar barat ependi bu heqte mulahize élan qilip, bu qétim kuchardin tépilghan qedimqi qebriler we uningda saqlinip qalghan medeniy yadikarliqlarning tetqiqat qimmiti nahayiti yuqiri ikenlikini muqimlapla qalmay, belki kommunist xitay hökümiti tilghan alghan xitayning xen sulalisi dewridiki 'shiyüduxufu' dégen organning qandaq organ ikenliki heqqide mulahizisini otturigha qoydi.

Qahar barat ependining qarishiche, kuchardin bayqalghan qedimqi medeniyetlerning héchqaysisini xitayning 'shiyü duxufu' yaratqan emes, belki kucharning yerlik xelqi özliri yaratqan medeniyet.

Qahar barat ependining qarishiche, xen sulalisining 'shiyüduxufu'si asasen hunlargha zerbe bérishke qaritilghan organ, yerlik medeniyetlerni uninggha munasiwetlik dep qarash exmiqaniliq.

Qahar barat ependi xen sulalisining hunlargha seddichindila qarshiliq bildürüp qalmay, belki sirtqa chiqishqa mejbur bolghanliqining seweblirini we srtqa chiqqandin kéyin herda'im yerlik xelqlerning we hunlarning qarshiliqigha uchrap halsirighan aqiwitini bayan qildi.

Qahar barat ependi yene, tang sulalisi dewridimu bundaq 'shiyüduxufu' qurulghanliqini, uning yene meghlup bolghanliqini bayan qildi we xitay qurghan bundaq organni, emeliyette xitaylarning sirtqa tajawuzchiliq qilghanliqining pakiti, xitay hökümitining hazir bu heqte dewatqan gepliri bolsa, peqet bir siyasiy teshwiqat, mustemlikichilik siyaset, dep körsetti. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet