مەرھۇم كۈرەش كۈسەن ئەپەندىنىڭ مېيىتى ئۇزىتىلدى


2006.11.01
Share on WhatsApp
Share on WhatsApp
kuresh-kusen-meyit-200.jpg
مەركۇمنىڭ مېيىتى 1 – نويابىر كۈنى ئۇزىتىلدى

ئۇيغۇر ئېلىدە ۋە چەتئەللەردە تونۇلغان ئاتاقلىق ئۇيغۇر كومپوزىتورى، شائىر ، مەشھۇر ناخشىچى ، ئۇيغۇر كىشىلىك ھوقۇق پائالىيەتچىسى ۋە شۋېتسىيە دۆلەت مۇزىكا ئىنستىتۇتىنىڭ تالانتلىق سەنئەتچىسى ۋە شۋېتسىيە ئۇيغۇر كومىتېتىنىڭ رەئىسى كۈرەش كۈسەننىڭ مېيىتى 2006 – يىلى 1 – نويابىر كۈنى ئۇزىتىلدى.

ئىگىلىشىمىزچە، 47 ياشتىكى كۆرەش كۈسەن تۇيۇقسىز قوزغالغان يۈرەك كېسىلى سەۋەبى بىلەن شۋېتسىيىنىڭ ئېسكىلىستون شەھىرىدىكى مالېرىن دوختۇرخانىسىدا قۇتقۇزۇش ئۈنۈم بەرمەي ئالەمدىن ئۆتكەن.

مەرھۇم كۈرەش كۈسەننىڭ نامىزىنى چۈشۈرۈشكە مەرھۇمنىڭ ئۇرۇق تۇغقانلىرى ۋە شۋېتسىيىدىكى ئۇيغۇر جامائىتى ۋە شۋېتسىيىلىك مېھمانلاردىن باشقان گېرمانىيە، گوللاندىيە، نورۋېگىيە، ئەنگلىيە، قاتارلىق دۆلەتلەردىن كەلگەن ئۇيغۇرلارمۇ قاتناشتى. ھەرقايسى دۆلەتلەردىكى ئۇيغۇر تەشكلىلاتلىرىنىڭ رەھبەرلىرى ۋە پائالىيەتچىلەر ئەۋەتكەن تەزىيەنامىلەر ئوقۇپ ئۆتۈلدى.

مەرھۇمنىڭ مىيىتى ئۇزۇتىلغاندىن كېيىن، مەرھۇمنىڭ روھىغا ئاتاپ نەزىر بېرىلدى.

بۇ ھەقتىكى مەلۇماتلارنى، شۋېتسىيىدىكى ئىختىيارى مۇخبىرىمىز يالقۇندىن ئاڭلاڭ.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.