Хитай күрәш күсән яшиған шәһәргә уйғур сәнәткарлирини оюн қоюшқа әвәтиду


2007-08-29
Share

Ескилстуна шәһири шветсийидики кичик бир шәһәр болсиму , бирақ уйғур хәлқиниң мунәввәр оғлани күрәш көсән әпәндиниң нами билән дуняниң һәрқайси җайлирида яшаватқан уйғурларға тонушлуқ. Һәтта ескилстуна шәһридә өткүзүлгән бир қетимлиқ мәдәнийәт паалийитидә сөзгә чиққан бир әрбаб күрәш көсән әпәндигә юқири баһа берип," пүтүн ескилстуналиқлар күрәш әпәндидин пәхирлиниду ,у өзиниң алаһидә сәнити арқилиқ ескилстуна шәһрини пүтүн шветсийигә җүмлидин өзи уюн қуюп барған дөләтләргә тонуштурди " дегән иди.

Шветсийидики уйғурлар узақтин бери ескилстуна шәһрини инқилабниң бөшүки дәп қарап кәлмәктә .Йеқинда ескилстуна шәһридә тарқитилған бир еландин мәлум болушичә , хитай һөкүмитиниң орунлаштуруши билән уйғур аптоном районлуқ сәнәт өмики шималий явропани асас қилип елип баридиған оюн қоюш паалийитидә шветсийидики кичик шәһәр болған ескилстуна шәһрини оюн қоюш обйекти қилип таллиған вә 8 - сентәбир күнидә мәрһум күрәш күсән әпәнди һаят вақтида хизмәт қилған тиятирханида оюн қоюшни бекиткән.

Ундақта хитай һөкүмитиниң бу кичик шәһәргә уйғур сәнәткарлирини әвәтип, оюн қоюшидики мәқсиди немә ,буниңға шветсийидики уйғур тәшкилати вә җамаити қандақ қарайду?

Шветсийә уйғур комитетиниң секритари абдушкур самсақ әпәнди вә диний зат қурбанҗан әпәндиләр зияритимизни қубул қилип өз көз қарашлирини баян қилди.(ялқун)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт