"Küresh ölmidi", köreshning izbasari uning izidin mangidu


2006-11-01
Share
Merhum küresh küsenning méyiti 1 – noyabir küni uzitildi

Hayat qimmetlik emma tolimu cheklik, ene shu cheklik hayatta insaniyet dunyasida öchmes izlarni qaldurup ketken kishilerning gerche jismi bu dunya bilen widalashqan bolsimu, biraq uning rohi ebediy ‏- ebed hayat qalghanlar arisida dastan bolup küylinidu. Uyghur oghli küresh sultan kösen ene shularning biri.

Uyghur xelqining erkinliki we kishilik hoquqini qolgha keltürüsh jéngige özini atighan, axirqi tiniqigha qeder "Uyghurum" dep sözlep "Uyghurum" dégen naxshisini yangratqan küresh kösen xelqi, qérindashliri we perzentliri qelbide menggü hayat.

Uzun yillardin béri, elem bilen qelem kürishi élip bériwatqan köresh kösenning téxi qilip bolalmighan ishliri éytip tügetküsiz idi, chünki u xelqining shadliq külkisini körmidi, kindik qéni tökülgen eziz diyarigha qedem tashliyalmidi, u perzentlirini özige oxshash shija'etlik qilip yétishtürüp elge qétish arminigha yetmigen idi.

Köresh kösen ependining ömürlük hemriyi bextigül xanim, hayat sebdishining chiriqini adaqqiche yoritidighanlqini, u qilip bolalmighan ishlarni, ulughwar xizmetlerni küchining yétishiche emelge ashuridighanlqini bildürüsh bilen birge pighanliq hesritini tökti.

Heqiqeten köresh kösen ependi 47 yilliq hayatini ehmiyetlik ötküzdi, shunga Uyghur xelqi uning bilen menggülük ayrilishqa chidimay, uninggha qiymay hesretlik pighanlirini tökmekte. Meshhur sha'ir exmetjan osman merhumning rohigha atighan misralirida mundaq deydu:

Séni kütimiz

(Merhum küresh küsenning rohigha) Exmetjan osman

Kétip qalding baldur némanche? atmidighu téxi téngimiz! mungdashqanche duttaring bilen, tünimekte milliy éngimiz.

Chaqirdimu yaki shéhitler, anglighusi kélip bir pede? sorap baqqin ulardin, dostum, quyashimiz tépilar nede!

Kélelmiseng eger sen qaytip, biz qalimiz uchursiz yene. Ay-yultuzluq asminimizda qalar zulmet qilip tentene.

Köresh kösenning yéqin sepdishi dunya Uyghur qurultiyining mu'awin re'isi memet toxti chet'ellerdiki Uyghurlargha wakaleten merhumning a'ile tawabatlirigha sebir tilidi we merhumning xisletliri heqqide toxtaldi.

Toghra, köresh kösen xelqidin waqitsiz ayrildi, emdi u naxsha éytmaydu, emdi u külmeydu, u menggülük xelqi bilen widalashti.

" Yaq" dégen bir awaz chiqti, küreshning jengge atighan oghli kichik köresh "men dadamning izidin mangimen" dep jakarlidi. Köresh nahayitimu toghra éytqan iken, heqiqeten "köresh ölmeptu", uning izbasari uning izini dawmlashturidu. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet