Шветсийиниң бир министири парламентқа мусулманлар һәққидә 10 қарар лаһийиси сунди


2006.10.30

Шветсийидә 17- сентәбир ахирлашқан 4 йилда бир қетим өткүзилидиған парламент сайлимида модератлар партийиси рәһбәрликидики христиан демократлар партийиси хәлқ партийси, сентер партийисидин тәшки тапқан солчилар иттипақи алдинқи 74 йилниң ичидә 65 йил һакимийәт бешида олтурған сотсиял демократлар партийиси рәһбәрликидики оңчилар иттипақи үстидин ғәлбә қилип йеңи бир нөвәтлик һөкүмәт тәшкил қилған иди. Йеқинда шветсийидики либераллар дәп аталған хәлқ партийисиниң тор бетидин вә швет тилида чиқидиған"ислам қолланмиси" дегән тор бәтләрниң хәвәрдин мәлум болушчә, шветсийиниң йеңидин тәйинләнгән орунлаштуруш вә баравәрлик министири нуямко сабуни ханим шветсийидә яшаватқан мусулманлар һәққидә парламентқа 10 түрлүк тәклип лаһийиси сунған. Бу йил 37 яшқа киргән ноямко сабуни ханим африқа брондидин 12 йешида шветсийигә көчмән болуп кәлгән. У өзиниң тәклип лаһйиһисидә мундақ дәйду:

"Қуранда балиларниң чүмбәл артишиға даир һечқандақ учур йоқ, бу балиларниң балилиқини тосалғуға учуратқанлиқ . Бир кичик қизчақниң чүмбәл артиши өзиниң чоң болғанлиқидин ташқи дуняға бишарәт бәргәндәк бир иш, бу бир хаталиқ.15-яштин төвән қизчақларниң чүмбәл тақишини чәкләш зөрүр. Һөкүмәт диний савақ беридиған әркин мәктәпләргә беридиған ярдәм пулини тохтитиши керәк, һазир шветсийидә яшаватқан 12% көчмәнләрниң йерими мусулман. Улар шветсийидә яшиған икән швет тилини өгүниши, шветсийиниң иҗтимаий түзүлмисини чүшиниши вә хизмәт қилиши керәк".

Ахбарат вастилиридин мәлум болушчә,йеңидин тәйинләнгән, мусулман аилисидин килип чиқан бу министириниң тәклип лайиһси шветсийидә яшаватқан мусулманларниң наразилиқ пикирини қозғиған. Гәрчә бу тәклип лаһйисиниң шветсийә парламитида тәстиқлиниш яки тәстиқланмаслиқи техи намәлум болсиму шветсийидә яшаватқан уйғурлар әгәр бу тәклип лаһийиси тәстиқлинип қалса келәчәккә балилириниң динни кимликиниң тәсиргә учуршидин әндишә қиливатқанлиқини билдүрмәктә. Шветсийидики сияси мулаһизичиләрниң пикир биришчә, шветсийидики сайламда солчилар иттипақиниң ғәлбә қилиши яврупада баш көтириватқан солчил идийә хаһишиниң тәсири болиши мүмкин икән.Йеңидин тәшкилләнгән бу һөкүмәтниң киләчәктики 4 йилда йүргизмәкчи болған сиясити шиветсийәниң 70 йилдин буян бир хил турғун һаләттә туруватқан ташқи депломатийә, баҗ вә көчмәнләр сияситигә йеңи өзгүришләрни елип келиш еһтимали зор икән. Чүнки шветсийидә йеңидин һөкүмәт тәшкил қилған модератлар партийиси узақтин бири шветсийиниң хәлқаралиқ сәһниләрдә актип рол ойнишини, баҗ кәмәйтишини, содиниң әркин болушини вә шветсийиниң шимали атлантик әһди тәшкилатиға әза болушини актип тәшәббус қилип кәлгән.(ялқун)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.