Уйғур нахша - уссуллири лондонда

Йеқинқи йиллардин бери яврупа дөләтлиридә яшаватқан уйғурлар уйғур мәсилисини дуняға техиму яхши тонуштуруш үчүн уйғур нахша - уссул вә музика өмәклирини қуруп һәрхил сәнәт паалийәтлиригә қатнишиш оюн қоюш арқилиқ уйғур сәнитини тонуштурупла қалмастин уйғурларниң бүгүнки вәзийитиниму аңлатмақта.
Мухбиримиз әркин тарим
2009-02-18
Share
London-uyg-ansambili-305 Лондон уйғур ансамбили 2 - айниң 17 - күни кәч саәт 7 дә лондон университети асийа - африқа институтиниң брунәй тийатирханисида ойун қойған болуп, сүрәттә, ансамбил әзалири сәһнидә.
RFA Photo / Erkin Tarim

Булардин бири лондонда паалийәт елип бериватқан лондон уйғур ансамбилидур. Лондон уйғур ансамбили 2 - айниң 17 - күни кәч саәт 7 дә лондон университети асия - африқа институтиниң брунәй тиятирханисида оюн қойди.

Бу консертта уйғур вә инглизлардин тәркип тапқан сәнәтчиләр уйғур музикисидин нәмунилар көрсәткәндин башқа уйғур уссулчи қизлар усул номурлириниму орундиған.

Икки саәт давам қилған бу сәнәт кечиликигә лондон университети оқутқучи - оқуғучилири, ингилиз тамашибинлар вә лондонда яшаватқан уйғурлардин болуп 500 дин көп киши қатнашқан.

Бу сәнәт кечилики һәққидә техиму тәпсили мәлумат елиш үчүн нәқ мәйданға телефон қилип лондон уйғур ансамбили мәсули езиз әйса вә тамашибинлар билән телефон зиярити елип бардуқ.

Юқириқи аваз улинишидин, бу телефон зияритимизниң тәпсилатини аңлайсиләр.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт