Türkiyidiki sherqiy türkistan ma'arip we hemkarliq jem'iyitining mes'ulliri yawropada ziyarette boldi

Sherqiy türkistan ma'arip we hemkarliq jem'iyitining bash naziri ablikimxan mexsumning 15 künlük yawropa ziyariti muweppeqiyetlik axirlashti.
Ixtiyariy muxbirimiz arslan
2011-01-07
Élxet
Pikir
Share
Print
Ablikimhan maxsum gollandiyidiki milliy ang teshkilati merkizide. 2011-Yili dékabir.
Ablikimhan maxsum gollandiyidiki milliy ang teshkilati merkizide. 2011-Yili dékabir.
RFA/Arslan

Sherqiy türkistan ma'arip we hemkarliq jem'iyitining bash naziri ablikimxan mexsum we mu'awin bashliqi abduxaliq Uyghur qatarliq ikki kishidin terkib tapqan hey'et 2010-yili 12-ayning 21-künidin 2011-yili 1-ayning 6-künigiche yawropaning shwétsiye, norwégiye, gollandiye, shwétsariye we gérmaniye qatarliq döletlerni 15 kün ziyaret qilip u döletlerde yashawatqan Uyghurlar we Uyghur teshkilat mes'ulliri shundaqla bir qisim xelq'araliq ammiwi teshkilat mes'ulliri bilen uchrashqan we sherqiy türkistan mesilisi heqqide söhbet élip barghan.

Igilinishiche, ablikimxan mexsum shwétsiye ziyariti jeryanida, shwétsiye parlamént ezasi mehmet qaplan ependi bilen uning ishxanisida uchrashqan we sherqiy türkistan mesilisi heqqide söhbet élip barghan, kéyin yene ablikimxan mexsum yene shwétsiye échilghan shimaliy yawropa islam jem'iyetliri birlikining yighinigha qatnashqan. Xelq'araliq milliy ang teshkilatining stokholmdiki merkizini ziyaret qilip u teshkilatning mes'ulliri bilen uchrashqan.

Ablikimhan maxsum gollandiyidiki milliy ang teshkilati merkizide. 2011-Yili dékabir.
Ablikimhan maxsum gollandiyidiki milliy ang teshkilati merkizide. 2011-Yili dékabir. RFA/Arslan
Igilinishiche sherqiy türkistan ma'arip we hemkarliq jem'iyitining bash naziri ablikimxan mexsum, gérmaniyini ziyaret qilip, dunya Uyghur qurultiyining gérmaniyidiki mes'ulliridin, dolqun eysa, esqerjan, abdujélil qariqash we türghunjan alawuddin qatarliq rehberler bilen uchriship pikir almashturghan we xizmet heqqide muzakiriler élip barghan, uchrishishta yene teklip-terghibler otturigha qoyulghan.

Biz bu heqte melumat élish üchün sherqiy türkistan ma'arip we hemkarliq jem'iyitining bash naziri ablikimxan mexsum bilen uning yawropa ziyariti heqqide söhbet élip barduq.

Toluq bet