شاڭخەي ھەمكارلىق تەشكىلاتنىڭ ھەربىي مانېۋىرى ھەققىدىكى ئىنكاسلار

• مۇخبىرىمىز ۋەلىنىڭ بۇ ھەقتىكى تولۇق مەلۇماتى
• Download story audio

شاڭخەي گۇرۇھىنىڭ ئەسكەرلىرى، 2007 - يىلى، 30 - ماي، ئىسسىق كۆلدىكى مانەۋەردا، بىر ئاپتوبۇسقا ھۇجۇم قىلماقتا. ISSYK KUL : Soldiers of Shanghai Cooperation Organization (SCO) member states take by storm a bus during the Issyk Kul Antiterror 2007 military exercises in 30 May, 2007.

شاڭخەي ھەمكارلىق تەشكىلاتى 8 ‏- ئاينىڭ 9 ‏- كۈنى ' تىنچلىق 2007 ' بەلگىلىك تېررورچىلىققا قارشى ھەربىي مانېۋىرى ئۆتكۈزۈشكە باشلىغان ئىدى. بۇ مانېۋىر ھازىر رۇسىيىنىڭ ئۇرال تاغلىرى رايونىدا داۋاملىشىۋاتىدۇ. پىلان بويىچە، مەزكۇر مانېۋىرنىڭ باش يېتەكچىسى بولغان كوممۇنىست خىتاينىڭ رەئىسى خۇجىنتاۋ 8 ‏- ئاينىڭ 17 ‏- كۈنى رۇسىيىگە بېرىپ، بۇ مانېۋىرنىڭ تەپسىلى ئەھۋالىنى نەق مەيداندا كۆزىتىدۇ.

'بىرلەشمە خەۋەر ئاگېنتلىقى" نىڭ خوڭكوڭدىن خەۋەر قىلىشىچە، غەرب ئىستراتېگىيىچىلىرى ھازىر ھەربىي مانېۋىر ئۆتكۈزۈۋاتقان 'شاڭخەي ھەمكارلىق تەشكىلاتى' دېگەن بۇ تەشكىلاتنى، بۇرۇنقى كوممۇنىزم لاگىرىنىڭ 'ۋارشاۋا شەرتنامىسى' دەپ ئاتالغان ھەربىي تەشكىلاتىغا ئايلىنىشى مۇمكىن، ئۇنىڭ ھازىرقى نىشانى ياپونىيە-ئامېرىكا- ئاۋسترالىيە ھەمكارلىقىدىن ئىبارەت "ئاسىيا ناتوسى"غا تاقابىل تۇرۇشنى مەقسەت قىلىدۇ، دەپ قارىماقتا.

خىتاينىڭ مانېۋىرى تامامەن ئۇيغۇرلارغا قارىتىلغان

ياۋروپادا چىقىدىغان غەرب شامىلى ژۇرنىلىنىڭ تەھرىرى ئابدۇرېشىت ھاجى كېرىمى شاڭخەي ھەمكارلىق تەشكىلاتى ھازىر ئېلىپ بېرىۋاتقان مانېۋىرنىڭ قارىتىلمىسى ھەققىدە تەھلىل يۈرگۈزدى. ئۇنىڭ قارىشىچە خىتاينىڭ مانېۋىرى تامامەن ئۇيغۇرلارغا ۋە باشقا تۈركىي مىللەتلەرگە قارىتىلغان.

خىتاي بىلەن رۇسىيىنىڭ كۆزلىگەن نىشانىدا پەرق مەۋجۇت

ھاجى ئابدۇرېشىت كېرىمىنىڭ قارىشىچە، شاڭخەي ھەمكارلىق تەشكىلاتىنىڭ بۇ قېتىمقى ھەربىي مانېۋىرىدا ، خىتاي بىلەن رۇسىيىنىڭ قارىتىلمىسىدا پەرق بار. رۇسىيە بولسا بۇ تەشكىلاتنىڭ بىر سىياسىي ئىتتىپاق، ھەربىي ئىتتىپاققا ئايلىنىپ، ئۇنىڭ ياۋرو-ئاسىيا ئەللىرى ھەمكارلىقىنىڭ كېڭىيىشىگە تاقابىل تۇرۇشىنى ئۈمىد قىلماقتا.

شاڭخەي ھەمكارلىق تەشكىلاتى ئەسلى قۇرۇلغان ۋاقىتتىكى نىشانىدىن ئاللىقاچان ھالقىپ كەتتى

ھاجى ئابدۇرېشىت كېرىمىنىڭ قارىشىچە، شاڭخەي ھەمكارلىق تەشكىلاتى ئەسلى قۇرۇلغان ۋاقىتتىكى نىشانىدىن ئاللىقاچان ھالقىپ كەتتى. بۇ تەشكىلاتنىڭ ھازىرقى نىشانى خەلققە، بولۇپمۇ ئوتتۇرا ئاسىيا خەلقىغە ئىنتايىن زىيانلىق. خەلقئارالىق تەشكىلاتلار بۇنىڭغا قارىتا تەدبىر قوللىنىشى لازىم. ( ۋەلى)