Шаңхәй һәмкарлиқ тәшкилатниң һәрбий маневири һәққидики инкаслар


2007-08-13
Share

Шаңхәй гуруһиниң әскәрлири, 2007 - йили, 30 - май, иссиқ көлдики манәвәрда, бир аптобусқа һуҗум қилмақта. ISSYK KUL : Soldiers of Shanghai Cooperation Organization (SCO) member states take by storm a bus during the Issyk Kul Antiterror 2007 military exercises in 30 May, 2007.

Шаңхәй һәмкарлиқ тәшкилати 8 ‏- айниң 9 ‏- күни ' тинчлиқ 2007 ' бәлгилик террорчилиққа қарши һәрбий маневири өткүзүшкә башлиған иди. Бу маневир һазир русийиниң урал тағлири районида давамлишиватиду. Пилан бойичә, мәзкур маневирниң баш йетәкчиси болған коммунист хитайниң рәиси хуҗинтав 8 ‏- айниң 17 ‏- күни русийигә берип, бу маневирниң тәпсили әһвалини нәқ мәйданда көзитиду.

'Бирләшмә хәвәр агентлиқи" ниң хоңкоңдин хәвәр қилишичә, ғәрб истратегийичилири һазир һәрбий маневир өткүзүватқан 'шаңхәй һәмкарлиқ тәшкилати' дегән бу тәшкилатни, бурунқи коммунизм лагириниң 'варшава шәртнамиси' дәп аталған һәрбий тәшкилатиға айлиниши мумкин, униң һазирқи нишани японийә-америка- австралийә һәмкарлиқидин ибарәт "асия натоси"ға тақабил турушни мәқсәт қилиду, дәп қаримақта.

Хитайниң маневири тамамән уйғурларға қаритилған

явропада чиқидиған ғәрб шамили журнилиниң тәһрири абдурешит һаҗи керими шаңхәй һәмкарлиқ тәшкилати һазир елип бериватқан маневирниң қаритилмиси һәққидә тәһлил йүргүзди. Униң қаришичә хитайниң маневири тамамән уйғурларға вә башқа түркий милләтләргә қаритилған.

Хитай билән русийиниң көзлигән нишанида пәрқ мәвҗут

Һаҗи абдурешит кериминиң қаришичә, шаңхәй һәмкарлиқ тәшкилатиниң бу қетимқи һәрбий маневирида , хитай билән русийиниң қаритилмисида пәрқ бар. Русийә болса бу тәшкилатниң бир сиясий иттипақ, һәрбий иттипаққа айлинип, униң явро-асия әллири һәмкарлиқиниң кеңийишигә тақабил турушини үмид қилмақта.

Шаңхәй һәмкарлиқ тәшкилати әсли қурулған вақиттики нишанидин аллиқачан һалқип кәтти

Һаҗи абдурешит кериминиң қаришичә, шаңхәй һәмкарлиқ тәшкилати әсли қурулған вақиттики нишанидин аллиқачан һалқип кәтти. Бу тәшкилатниң һазирқи нишани хәлққә, болупму оттура асия хәлқиғә интайин зиянлиқ. Хәлқаралиқ тәшкилатлар буниңға қарита тәдбир қоллиниши лазим. ( Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт