Uyghur élide "köp xil armiye hemkarliship, jeng qilish usuli" namliq maniwér ötküzilidiken


2004-10-29
Share

Xelq'arada élip bérilwatqan térrorchiliqqa qarshi küresh, térrorchilargha tégishlik zerbe bergen bolsimu, biraq térrorchiliq heriketlirini yoqitishni bahane qilghan bir qisim döletler öz hakimiyitige qarshi chiqqan xelqlerni térrorist dep eyiblep kelmekte.

Bundaq térrorchiliqqa qarshi küresh dawamida, xitay hökümiti chet'ellerde pa'aliyet élip bériwatqan Uyghur teshkilatlirini we bir qisim pa'aliyetchilerni térrorchilar dep élan qilip, bu arqiliq Uyghur élige qaratqan siyasitini kücheytishke bashlidi we Uyghur élida köp qétim herbiy maniwér ötküzüp, térrorchilargha taqabil turush küchi barliqini xelqqe köz -köz qildi.

Mushu bir nechche kün ichide, chong tipta bir qétim herbiy manéwir ötküzidighanliqini ilgiri sürgen shinjang herbiy rayoni, manéwir ötküzüshtiki meqsitini mürekkep ziminda, téz sür'ette herketke ötüp, jiddi özgürüshke taqabil turush küchini ashurushtin ibaret dep körsetti.

Shinjang tor bétining 29 - künidiki xewiride ashkarlinishiche, bu qétimqi manéwér, igiz -tagh ,oymanliq we chöl -jezirilerge oxshash jughrapiyilik tüzülishi herxil shara'itta, her xil herbiy qisimlarining birliship, jeng qilish iqtidarini ashurush üchün élip bérildighan manéwér hisablinidiken.

Manéwér heqqide élan qilin'ghan xewerde, manéwér ötküzilidighan orun we shuningdek manéwérning qaysi küni ötküzilidighanlqi éniq körsitilmigenliktin biz bu heqte éniq melumatqa érishish üchün, shinjang herbiy rayon qomandanliq shitabigha télfun baghliduq.

Erkin asiya radi'osi, Uyghur bölimidin télfun urwatqanlqimizdin xewer tapqan qamandanliq shitabiy arqa sep bölimining mes'uli, mezkür manéwérning qaysi küni we qeyerde ötküzilidighanliqi heqqide sorighan su'alimizni jawapsiz qaldurup , "men buninggha hichqandaq ipade bildürelmeymen" didi we télfun turupkisini derhal qoyuwetti.

Manéwér heqqide hichqandaq uchurgha érishelmigendin kéyin biz yene, shinjang herbiy rayoni teshwiqat bölimige télfun baghliduq.

Teshwiqat bölimining xadimi, bizning qeyerdin télfun urghanliqimizdin xewer tapqandin kéyin, manéwér ötküzüshtiki meqsidinglar nime, siler manéwérni qeyerde ötküzisiler digen su'alimizgha "kechürisiz, biz herbiy manéwér heqqide sizge hichnerse éytip bérelmymiz, qeyerde manéwér ötküzidighanliqimiz hazirche mexpi" dep jawap berdi.

Biz yene, eng chong Uyghur teshkilatliridin bolghan dunya Uyghur qurultiyining manéwér heqqidiki qarishini bilish üchün, mezkür teshkilatning mu'awin re'isi memet toxti ependini ziyaret qilduq.

Buning tepsilatini muxbirimiz eqidening bu heqtiki melumatidin anglang

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet