"Җоңгода ясалмиған" тәкшүрүш басқучида


2006-03-09
Share

Йеқинқи ахбарат учурлиридин мәлум болушчә явропа иттипақи "alvito" дәп аталған бир ширкәтниң "җоңгода ясалмиған"( Not Made in China) дегән инглизчә хәт йезилған тавар макисини ройхәткә алдуруш илтимасни тапшуруп елип, хитай һөкүмитиниң қаттиқ наразилиқини қозғиған.

Хитай маллириға болған наразилиқниң бир ипадиси

явропа иттипақи ички базарлирини тәңшәш идариси тавар маркисини тәкшүрүш хадиминиң билдүрүшичә, улар өткән йили 12-ай, бу йил биринчи ай вә 2-айларда бу ширкәтниң тавар маркисини ройхәткә алдуруш илтимасини тапшуруп алған болуп, бу тавар маркиси икки дана шәкил вә "җоңгода ясалмиған" дегән инглизчә сөздин тәркип тапқан икән.

Шветсийә ахбаратлиридики сияси мулаһизичиләрниң пикиридин мәлум болушчә, бу явропа базарлириға үзлүксиз бесип кириватқан хитайниң сахта, начар маллириға қарита явропалиқларда пәйда болушқа башлиған наризилиқлириниң әң ярқин ипадилириниң бири икән.

явропа иттипақи тавар маркисини тәкшүрүш вә тәстиқлаш хадимлириниң билдүршичә явропа тавар маркиси қанунниң пиринсипи бойичә ейтқанда улар тавар маркисини ройхәткә алдуруш илтимасини тапшуруп алған күндин башлап 6 ай ичидә җамаәткә илан қилип, һәрқайси тәрәпләрниң пикирини қобул қилидикән. Илан қилинип 3 айдин кийин бу илтимасини тәстиқлаш яки тәстиқлимаслиқ һәққидә қарар чиқиридикән.

"Җоңгода ясалмиған" тәкшүрүш басқучида

явропа иттипақи ичики базарларни тәңшәш идариси тавар маркисини тәкшүрүш хадиминиң сөзидин мәлум болушчә, адәттә илтимас қилған тавар маркисида җамаәт әхлақиға вә аммивий тәртипкә зит болған мәзмунлар болмисила илтимас бирдәк қобул қилинидикән һәм бу қетим илтимас қилинған тавар маркисида җоңго хәлқини һақарәтләш мәзмуни бар дәп қаримайдикән. У мухбирниң соалға бәргән җавабидин мәлум болушичә, бу үч айлиқ пикир елиш басқучи явропа иттипақиниң алдидики чоң бир ойлиниш вә синақ басқучи икән, бу тавар маркиси илтимасиниң тәстиқлиниш вә тәстиқланмаслиқи хитай һөкүмитидин келиватқан қаттиқ наразлиқ вә америка һөкүмитиниң бу илтимасини өткән йили қобул қилишни рәт қилиши қатарлиқ амилларға бағлиқ болидикән. Америка һөкүмити өткән йили 9 айда алвито ширкитиниң "хитайда ясалмиған" дегән бу тавар маркисини ройхәткә алдуруш илтимасини қобул қилишни рәт қилған икән.

Хитай тәшвиқатни күчәйтмәктә

Шаңхәй пайчәк базири гезитиниң хәвиридин мәлум болушчә алвито ширкитиниң "җоңгода ясалмиған" дегән бу тавар маркиси илтимаси хитай ахбаратлирида наһайти кәң көләмдә тәшвиқ қилинип, кишиләрдә наразлиқ кәйпиятини пәйда қилип явропа иттипақиниң бу тавар маркиси илтимасини тәстиқлишини тосушқа чақириқ қилинған.

Җоңго байчәк базири ториниң елип барған кишиләрниң райини синашта 90% юқури кишиләр явропа иттипақиниң алвито ширикитиниң тавар маркисини илтимасини тәстиқлишиға қарши аваз бәргән. Улар бирдәк "җоңгода ясалмиған" дегән бу тавар маркиси җоңгониң тавар ишләп чиқиришиға әкс тәсир көрситиду, дәп қариған.

Улуқ ира ториниң хәвиридин мәлум болушчә, явропа иттипақи алвито ширкитиниң "җоңгода ясалмиған" дегән бу тавар маркисини 5 айларда илан қилип, җамаәтниң пикиригә сунудикән. Әгәр һәрқайси тәрәпләрдә башқичә пикир болмай бу тавар маркиси явропа иттипақи тәрипидин тәстиқланса дунядики тунҗи хитай маллириға қарши мәзмундики тавар маркиси болуп қалидикән. (ялқун)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт