"Jonggoda yasalmighan" tekshürüsh basquchida

• Ixtiyari muxbirimiz yalqunning bu heqtiki melumati
• Download story audio

Yéqinqi axbarat uchurliridin melum bolushche yawropa ittipaqi "alvito" dep atalghan bir shirketning "jonggoda yasalmighan"( Not Made in China) dégen in'glizche xet yézilghan tawar makisini royxetke aldurush iltimasni tapshurup élip, xitay hökümitining qattiq naraziliqini qozghighan.

Xitay mallirigha bolghan naraziliqning bir ipadisi

Yawropa ittipaqi ichki bazarlirini tengshesh idarisi tawar markisini tekshürüsh xadimining bildürüshiche, ular ötken yili 12-ay, bu yil birinchi ay we 2-aylarda bu shirketning tawar markisini royxetke aldurush iltimasini tapshurup alghan bolup, bu tawar markisi ikki dana shekil we "jonggoda yasalmighan" dégen in'glizche sözdin terkip tapqan iken.

Shwétsiye axbaratliridiki siyasi mulahizichilerning pikiridin melum bolushche, bu yawropa bazarlirigha üzlüksiz bésip kiriwatqan xitayning saxta, nachar mallirigha qarita yawropaliqlarda peyda bolushqa bashlighan nariziliqlirining eng yarqin ipadilirining biri iken.

Yawropa ittipaqi tawar markisini tekshürüsh we testiqlash xadimlirining bildürshiche yawropa tawar markisi qanunning pirinsipi boyiche éytqanda ular tawar markisini royxetke aldurush iltimasini tapshurup alghan kündin bashlap 6 ay ichide jama'etke ilan qilip, herqaysi tereplerning pikirini qobul qilidiken. Ilan qilinip 3 aydin kiyin bu iltimasini testiqlash yaki testiqlimasliq heqqide qarar chiqiridiken.

"Jonggoda yasalmighan" tekshürüsh basquchida

Yawropa ittipaqi ichiki bazarlarni tengshesh idarisi tawar markisini tekshürüsh xadimining sözidin melum bolushche, adette iltimas qilghan tawar markisida jama'et exlaqigha we ammiwiy tertipke zit bolghan mezmunlar bolmisila iltimas birdek qobul qilinidiken hem bu qétim iltimas qilin'ghan tawar markisida jonggo xelqini haqaretlesh mezmuni bar dep qarimaydiken. U muxbirning so'algha bergen jawabidin melum bolushiche, bu üch ayliq pikir élish basquchi yawropa ittipaqining aldidiki chong bir oylinish we sinaq basquchi iken, bu tawar markisi iltimasining testiqlinish we testiqlanmasliqi xitay hökümitidin kéliwatqan qattiq narazliq we amérika hökümitining bu iltimasini ötken yili qobul qilishni ret qilishi qatarliq amillargha baghliq bolidiken. Amérika hökümiti ötken yili 9 ayda alwito shirkitining "xitayda yasalmighan" dégen bu tawar markisini royxetke aldurush iltimasini qobul qilishni ret qilghan iken.

Xitay teshwiqatni kücheytmekte

Shangxey paychek baziri gézitining xewiridin melum bolushche alwito shirkitining "jonggoda yasalmighan" dégen bu tawar markisi iltimasi xitay axbaratlirida nahayti keng kölemde teshwiq qilinip, kishilerde narazliq keypiyatini peyda qilip yawropa ittipaqining bu tawar markisi iltimasini testiqlishini tosushqa chaqiriq qilin'ghan.

Jonggo baychek baziri torining élip barghan kishilerning rayini sinashta 90% yuquri kishiler yawropa ittipaqining alwito shirikitining tawar markisini iltimasini testiqlishigha qarshi awaz bergen. Ular birdek "jonggoda yasalmighan" dégen bu tawar markisi jonggoning tawar ishlep chiqirishigha eks tesir körsitidu, dep qarighan.

Uluq ira torining xewiridin melum bolushche, yawropa ittipaqi alwito shirkitining "jonggoda yasalmighan" dégen bu tawar markisini 5 aylarda ilan qilip, jama'etning pikirige sunudiken. Eger herqaysi tereplerde bashqiche pikir bolmay bu tawar markisi yawropa ittipaqi teripidin testiqlansa dunyadiki tunji xitay mallirigha qarshi mezmundiki tawar markisi bolup qalidiken. (Yalqun)