Shiwétsiyining stokholm shehiride Uyghur medeniyet küni ötküzüldi


2007-10-22
Share

10 - Ayning 20 - küni shiwétsiyining paytexti stokholm shehiride Uyghur medeniyet küni ötküzülgen. Shiwétsiye Uyghur ma'arip oyushmisi teripidin uyushturulghan, bu pa'aliyette shiwétsiyining stokholm shehiride yashawatqan Uyghurlar herxil Uyghur tamaqlirini, tatliq - türümlerni, Uyghurlarning medeniyitini eks ettüridighan tam resimliri , kiyim-kéchekler , Uyghurlarning til yéziqini eks ettüridighan kitab ‏- zhurnallarni körgezme qilghan . Uyghur tamaqlirini shiwétsiye xelqining tétip béqishi uchun tarqatqan.

Bu körgezme shiwétsiyining eng awat bazirida ötküzülgen bolup , Uyghur ma'arip oyushmisi tarmiqidiki Uyghur mektipining 27 neper oqughuchisi Uyghurlarning qisqiche ehwalini, xitayning Uyghurlargha élip bériwatqan bésim siyasiti anglitilghan waraqlarni tarqatqan.

Biz bu pa'aliyet heqqide tepsiliy melumat élish uchun neq meydan'gha téléfon qilip, shiwétsiye Uyghur ma'arip oyushmisi bashliqi abdullah ehet ependi bilen téléfon ziyariti élip barduq.

Biz yene Uyghurlarning bu pa'aliyitige ishtirak qiliwatqan shiwitlernimu ziyaret qilduq. Bir shiwét Uyghur xelqini burun anglap baqmighanliqini éytip mundaq dédi: "men Uyghur musulmanliri qiliwatqan bu pa'aliyettin nahayiti xursen boldum. Uyghur tamaqliri bekla leziz iken . Men burun bundaq bir musulman millet barliqini anglap baqmighan , bügün tunji qétim anglishim."

Bu kishi bundaq pa'aliyetlerni ötküzüshning nahayiti paydiliq ikenlikini éytip mundaq dédi: " mushundaq pa'aliyetlerning bolup turushi nahayiti yaxshi. Bu xil pa'aliyetler arqiliq xilmu ‏- xil medeniyetler bilen tonushalaymiz. Buningdin kéyinmu bundaq pa'aliyetlerning ötküzülüp turushini ümit qilimen." (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet