Medine shehiridiki islam uniwérsitéti

Se'udi erebistanining medine munewwere shehiridiki " islam uniwérsitéti" 1961 - yili se'udi erebistani padishahliqi teripidin qurulghan xelq'araliq meshhur uniwérsitétlerning biri bolup, qurulghandin tahazirghiche dunyaning her qaysi jayliridin kelgen nechche yüz minglighan musulman perzentlirini islamiy ilimlerde terbiyilep, yétishtürüp kelmekte.
Muxbirimiz ömerjan toxti
2009-11-10
Share

Hörmetlik oqurmenler, töwende mezkur uniwérsitétning "hedis ilimliri fakultétini" püttürgendin kéyin, se'udi erebistani radi'osining Uyghur bolümide xizmet qiliwatqan abdul'eziz ependi bilen élip barghan söhbitimizni diqqitinglagha sunimiz.

Abdul'eziz ependi bilen söhbet

Abdul'eziz ependi medine munewwere shehiridiki " islam uniwérsitéti" tonushturup mundaq didi:" islam uniwérsitéti besh chong fakultétni öz ichige alghan bolup, "sheri'et bilimliri fakultéti"," etiqad bilimliri fakultéti", qur'an kerim we islami bilimler fakultéti", " hedis ilimliri fakultéti"we " ereb tili fakultéti" qatarliqlardin ibarettur. Bu uniwérsitétlarning her biride bir qanchidin bölümler bolup, her xil texessuslargha bolünidu. Islam uniwérsitéti yuqiriqi besh chong fakultéttin bashqa, ereb tilida sözlimeydighan xelqlerning balilirining ereb tilidin sawadini chiqirish inisttotliri bardur. Chet'ellik oqughuchilar awwal bu inisttotlarda ereb tilini yaxshi öginip bolghandin kéyin, andin her qaysi fakultétlargha chüshidu. Mundin bashqa toluq we toluqsiz ottura mekteb siniplirimu bar."

Islam uniwértéti béridighan unwanlar

Abdul'eziz ependi medine munewwere shehiridiki islam uniwérsitétidin bérilidighan unwanlar we oqughuchilarning turmush ehwali heqqide toxtilip mundaq didi:" islam uniwérsitéti oqughuchilargha baklawurluq, magistérliq we doktorluq unwanlirini béridu. Islam uniwérsitéti dunyanin herqaysi jayliridin kelgen oqughuchilarni heqsiz oqutidu. Ularning yémek-ichmek we yataqlirini temin étishtin bashqa, ulargha ayliq xirajet puli béridu. Doktorluq we magistérliq oquwatqanlargha 240 dollar, her qaysi fakultétlarda oquwatqanlargha 226dollar, inisttotlarda oquwatqanlargha 100dollar, ottura mekteblerde oquwatqanlargha 80 dollar miqdarida ayliq xirajet puli béridu. Chet'ellik oqughuchilargha her yili bir qétim wetinige bérip kélish biliti élip béridu.

Islam uniwérsitétidiki Uyghur oqughuchilar

Abdul'eziz ependi islam uniwérsitétidiki oquguchilar sani heqqide sorighan so'alimizgha mundaq dep jawab berdi:" medine munewwere shehiridiki islam uniwwi'érsitétida 8 mingdin köprek bala oquydu. Ulardin 5 mingi chet'ellikler, 3 mingi se'udi erebistanliq oqughuchilarni teshkil qilidu. Emma bu uniwérsitéttiki sherqi türkistanliq Uyghur oqughuchilarni sani 60 tin ashidu. Qazaqistandin kelgen Uyghur oqughuchilarning sani 20 ge yétidu. Her yili 10gha yéqin Uyghur oqush püttürse, yene 10gha yéqin yéngi Uyghur oqughuchi oqush bashlaydu. Ottura asiya jümhuriyetliri we rusiyidin kelgen oqughuchilarning omumiy sani 200 din ashidu. Bu uniwérsitétta 160 dolettin kelgen oqughuchilar bar."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet