'Mehmut qeshqiri ana til mektipi' mukapatlash pa'aliyiti élip bardi

Süret, shwétsiyidiki mehmut qeshqiri ana til mektipi mewsum axirlishish munasiwiti bilen élip barghan balilarni mukapatlash we ularni righbetlendürüsh paaliyitidin bir körünüsh.

Pa'aliyetke Uyghurlardin sirt özbék jama'itining wekillirimu ishtirak qilghan bolup, pa'aliyet mezmunigha asasen chek tartip ay-yultuzluq kök bayraq utuwalghan bir özbék aqsaqili hayajanliq köngül sözlirini bildürdi.

Mewsumluq ders axirlashturush pa'aliyiti her yili ikki qétim élip bérilidighan bolup, bu "mexmut qeshqiri ana til mektipi" ning 4 yildin biri izchil dawamlashturup kiliwatqan ammiwiy pa'aliyetlirining biri bolup, ular bu pa'aliyet arqiliq balilarning ana til öginishke bolghan qizghinliqini ashurush we mektep sirtida qalghan balilarni mektepke kirishke righbetlendürüshni meqset qilidu.

Pa'aliyet balilargha atalghan her xil köngül échish pa'aliyiti bilen axirlashti.

Yuqiridiki awaz ulinishidin, bu heqtiki melumatimizning tepsilatini anglaysiler.