Мәмәт салиһ атуш әпәндимниң 85 йиллиқ һаят мусаписи тәбрикләнди


2007-07-09
Share

Истанбулда яшаватқан уйғурларниң мойсипити болған, пешқәдәм паалийәтчи муһәммәт салиһ атуш әпәндимниң 85 яшқа киргәнлики мунасивити билән истанбулда бу күнни хатириләш паалийити өткүзүлди.

8-Чесла йәкшәнбә күни истанбулдики шәрқий түркистан вәхпидә елип берилған бу хатириләш паалийитигә түркийиниң һәрқайси җайлиридин кәлгән 500 гә йеқин уйғур қатнашти. Америка вә явропадики уйғурлардинму тәбрик телиграммилири кәлди.

Пешқәдәм шәрқий түркистан паалийәтчиси болған муһәммәт сәләй атуш әпәндим 1922- йили 7-айниң 10-күни астин атушниң қумбағ мәһәллисидә дуняға кәлгән. 1933-Йили мәдириссәдә оқуған. Кейин, түркийидә билим алған мәмтили тәвпиқ әпәндиниң атушта ачқан руштийә мәктипидә оқушни давам қилған. У, 1939-йили оқуш үчүн ғулҗиға кәлгән вә уйәрдә мустәқил шәрқий түркистан җумһурийитини көрүш пурситигә еришти.

1949-Йили мәмәт сәләй атуш әпәндим вә униң аилиси хитайлар тәрипидин дүшмән дәп қарилинип, 32 йил һәрхил бесим, зулумға учриди. Муһәммәт сәләй атуш әпәндим 1981-йили түркийигә көчмән болуп кәлди. 1984-Йилиғичә мәрһум әйса йүсүп алптекинниң йенида ишлиди.

Мәмәт сәләй атуш әпәндим, мустәқил шәрқий түркистан җумһурийитини көргән бир киши болуш сүпити билән һәр даим вәтән ишқида янди вә бу йолда нурғун ишларда башчи болди. Мәмәт сәләй атуш әпәндим өзиниң яшинип қалғиниға қаримай вәтән даваси йолидики күришини һелиһәм давам қилмақта.(Әркин тарим)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт