Memet salih atush ependimning 85 yilliq hayat musapisi tebriklendi


2007-07-09
Share

Istanbulda yashawatqan Uyghurlarning moysipiti bolghan, péshqedem pa'aliyetchi muhemmet salih atush ependimning 85 yashqa kirgenliki munasiwiti bilen istanbulda bu künni xatirilesh pa'aliyiti ötküzüldi.

8-Chésla yekshenbe küni istanbuldiki sherqiy türkistan wexpide élip bérilghan bu xatirilesh pa'aliyitige türkiyining herqaysi jayliridin kelgen 500 ge yéqin Uyghur qatnashti. Amérika we yawropadiki Uyghurlardinmu tebrik téligrammiliri keldi.

Péshqedem sherqiy türkistan pa'aliyetchisi bolghan muhemmet seley atush ependim 1922- yili 7-ayning 10-küni astin atushning qumbagh mehelliside dunyagha kelgen. 1933-Yili medirissede oqughan. Kéyin, türkiyide bilim alghan memtili tewpiq ependining atushta achqan rushtiye mektipide oqushni dawam qilghan. U, 1939-yili oqush üchün ghuljigha kelgen we uyerde musteqil sherqiy türkistan jumhuriyitini körüsh pursitige érishti.

1949-Yili memet seley atush ependim we uning a'ilisi xitaylar teripidin düshmen dep qarilinip, 32 yil herxil bésim, zulumgha uchridi. Muhemmet seley atush ependim 1981-yili türkiyige köchmen bolup keldi. 1984-Yilighiche merhum eysa yüsüp alptékinning yénida ishlidi.

Memet seley atush ependim, musteqil sherqiy türkistan jumhuriyitini körgen bir kishi bolush süpiti bilen her da'im weten ishqida yandi we bu yolda nurghun ishlarda bashchi boldi. Memet seley atush ependim özining yashinip qalghinigha qarimay weten dawasi yolidiki kürishini hélihem dawam qilmaqta.(Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet